Umtylys

Táýelsizdigimizdiń baıandy bolýyna qyzmet etetin, syrttan kelip jatqan aqparat tasqynyna tótep beretin qazaq tilindegi árbir jańa basylymǵa qoldaý kórsetý abzal. Qoǵamnyń túzelýi adam tár­bıesinen, adam tárbıesi otbasynan bastalatynyn eskerip, ótken jyly kúzde «Shańyraq serigi» degen atpen aqparat aıdynyna shyqqan jańa jýrnalǵa bir jyl toldy. Alǵashqy qıyndyqtarǵa qaramas­tan, bul jýrnal da óziniń bet-baǵdaryn aıqyndap alýǵa um­tyl­ǵany baıqalady. Qazaq tilinde aı saıyn shy­ǵatyn «Shańyraq seriginde» bir jyl ýaqyt ishinde jarııalanǵan materıaldarǵa az ǵana toqtalyp ótsek, «Dástúr» aıdarymen Aqseleý Seıdimbektiń «Tý­ys­qandyq ataýlar júıesi» degen eńbegi, «О́ner – máńgilik» aıdarymen Bethoven, Ogınskıı, Segovııa, Brams, t.b. álemdik óner tar­landary týraly maqa­lalar jaryq kórdi. «Shańy­raq seriginiń» anyqta­ma­lyǵy «Muztaý» dep atalǵan aıdar «Bir salany tolyq bil, ár salany sholyp bil» degendi uran etip, nómir saıyn belgili bir sala jóninde ár otbasyna qajetti ári qyzyqty maǵlumat berip otyrady. Mysaly, osyǵan deıin oqyrmandarǵa «Sán (moda)», «Internet», «Aqsha», «Grek mıfologııasy», «Fýtbol» taqyryptary usynyldy. Bul aıdardyń mate­rıaldary qıyp alyp saqtap qoıýǵa yńǵaıly etip jasalǵan. Jýr­­nal­dyń taǵy bir utymdy bastamasy – «Úı kitap­ha­nasy» aıdary. Munda «HH ǵasyr: qazaqtyń júz kitaby» degen atpen qazaq kitaptaryn árbir shańy­raqqa nasıhattaý kózdelgen. «Aqıqat pen ańyz» kitaby týraly jazýshy Á.Nurshaıyqovtyń kózi tirisinde alynǵan suhbat, T.Aıbergenovtiń «Qum­­daǵy munaralar», M.Maqataevtyń «О́mir­das­tan», S.Muratbekovtiń «Jabaıy alma», M.Maǵaý­ın­niń «Alasapyran», Q.Amanjolovtyń «Daýyl» ki­tap­­tary týraly maqalalar osy aıdar aıasynda ja­ryq kórdi. Taǵy bir tartymdy joba – «Sol jyly... sol kúni...» dep atalatyn aıdar. Munda tarıhtaǵy erekshe oqıǵalardyń qalaı bolǵany jan-jaqty derek kózderi arqyly jáne kýágerler sózimen baıan­da­lady. «Qatar janǵan juldyzdar» aıdary bir sha­ńyraq astynda ómir súrgen erli-zaıypty, tarıhta iz qaldyrǵan tulǵalar jaıynda áńgime qozǵaıdy. «Alań» aıdarymen qoǵamdaǵy kóńil alańdatar má­seleler sóz etilse, «Til jáne otbasy» aıdary ár shańyraqtaǵy til tazalyǵyna úles qosýdy kózdeıdi. Ámına QULJABAEVA.