Premer-mınıstr Baqytjan Saǵyntaev Nursultan Nazarbaevtyń atyna Energetıka mınıstri Qanat Bozymbaevqa sógis jarııalaý týraly usynys engizedi. Bul týraly búgin Úkimet otyrysynda belgili boldy.
«Men mynadaı sheshim shyǵaramyn. Úkimet múshelerine qatysty tártiptik sharalardy el Prezıdenti qabyldaıtyndyqtan, men búgin Memleket basshysynyń atyna Energetıka mınıstri Qanat Aldabergenuly Bozymbaevqa sógis jarııalaý týraly usynys engizemin", dedi Saǵyntaev.
«Vıse-mınıstrlerge kelsek. Bul meniń quzyrymda. Sondyqtan energetıka vıse-mınıstri Áset Maǵaýovqa qatysty qyzmetinen bosatý týraly sheshim qabyldaımyn. Búgin keńse úkimettiń osyndaı sheshimin daıyndasyn», dedi Premer-mınıstr.
Eske salaıyq, búgin ótken úkimet otyrysynda Saǵyntaev mınıstrden nelikten elde AI-92 benzıni tapshy ekenin suraǵan edi. «Janar-jaǵarmaı naryǵynda qalyptasqan jaǵdaıǵa nazar aýdaramyn. О́ńirlerde defısıt baıqalyp otyr, benzın shekteýmen, al keı jerlerde tipti talonmen satylýda. Saldarynan baǵa ósip ketti. Alaıda, Qanat Aldabergenuly (Bozymbaev - Avt.), úkimettiń ótken otyrysynda barlyq problemany sheshýge ýáde bergensiz, biraq janar-jaǵarmaı boıynsha jaǵdaı sheshilmedi, ıaǵnı jaǵdaı turaqtanbady. Bul qashanǵy jalǵasa bermek?», - dedi Saǵyntaev úkimet otyrysynda.
Qanat Bozymbaev 2017 jylǵy 1 maýsymdaǵy jaǵdaı boıynsha AI-92 qory 292 myń tonna bolǵanyn, al qordaǵy benzındi tutyný kezeńinen keıin munaı bazalarynda bul kórsetkish 140 myń tonnaǵa azaıǵanyn, munyń tutynýǵa 15 kúnge jetetinin aıtty. «Ortasha baǵa 11 paıyzǵa ósti. Al ımport úlesi shildedegi 15 paıyzdan qyrkúıektegi 30 paıyzdan, qazandaǵy 40 paıyzǵa deıin ósti. Bul jerde defısıt sózin qoldaný durys emes, elde defısıt joq», - dedi mınıstr.
«Sózińiz aýzyńyzda, elde defısıt bolmasa, kezek qaıdan shyǵyp otyr? Halyq túsinbeıdi ǵoı», - dedi Premer-mınıstr.
Premer-Mınıstri Baqytjan Saǵyntaev «QazMunaıGaz» vıse-prezıdenti Danııar Berlibaevty qyzmetinen bosatty. Úkimet basshysy ulttyq kompanııa vıse-prezıdenti eldegi benzınge qatysty ahýaldy retteýde óziniń mindetin oryndaı almaǵandyǵyn basa aıtty.
«Premer-Mınıstr jáne «Samuryq-Qazyna» UK» AQ Dırektorlar keńesiniń tóraǵasy retinde óz mindetin tıisti deńgeıde oryndaı almaǵan «QazMunaıgaz» basqarmasy tóraǵasyna sógis túrindegi tártipti jazany belgileý boıynsha sharalardy belgilengen tártippen qabyldaýdy tapsyramyn. Sonymen qatar óz mindetin tıisti deńgeıde oryndaı almaǵan «QazMunaıGaz» UK» basqarmasy tóraǵasynyń orynbasary Danııar Berlibaevtyń ókilettigin toqtatý týraly sheshim qabyldaý qajet», - dedi Baqytjan Saǵyntaev.