Osy ýaqytqa deıin ondaǵan derekti fılm túsirip, talanty Táýelsiz «Platınaly Tarlan» syılyǵymen tanylǵan otandasymyz Vladımır Tıýlkınniń «13 shaqyrym» atty derekti kartınasy HHVIII «Reseı» derekti fılmder festıvalinde qazylar alqasynyń arnaıy júldesine ıe boldy. Bul kınododa jýyrda Ekaterınbýrg qalasynda ótti.
Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen «13 kılometr» derekti fılminiń jelisine Serik Bodanbaev esimdi jigerli jerlesimiz týraly baıandaıdy. Fılmniń keıipkeri zaǵıp bolsa da óz shydamdylyǵy men tabandylyǵynyń arqasynda úlken sharýa qojalyǵynyń ıesi bolyp otyr.
Al taıaýda ǵana márege jetken bıylǵy «Reseı» derekti fılmder festıvaline qatysýǵa 10 elden 280 tapsyrys kelip túsken eken. Nátıjesinde negizgi baıqaýǵa Reseı, Qazaqstan, Estonııa jáne basqa da elderden 31 kartına iriktelgen. Bul baıqaýǵa derekti kınonyń maıtalmandary – Ivan Tverdovskıı, Vladımır Tıýlkın, Andreı Osıpov, Tatıana Skabard, Sergeı Goloveskıı, Sergeı Debıjev, Borıs Karadjev jáne debıýtant rejısserlar qatysqan.
Qazylar alqasynda Reseıdiń Tengız Semıonov (tóraǵa), rejısser jáne ssenarıst Galına Leonteva, «Kıno-Sıbır» kınostýdııasynyń basshysy, rejısser Evgenıı Solomın, kınosynshy Valerıı Fomın jáne kınooperator, RF eńbek sińirgen óner qaıratkeri Evgenıı Sıgel syndy tanymal kınematografıster boldy.
Sh.Aımanov atyndaǵy «Qazaqfılm» AQ baspasóz qyzmeti festıvaldiń bas júldesin rejısser Tatıana Skabardtyń «Poslednıı parad «Bezzavetnogo» fılmi ıemdengeni, eń úzdik tolyqmetrli fılm júldesi «Prıhodı svobodnym» (rejısser Ksenııa Ohapkına, Tallın) kartınasyna berilgeni týraly habar taratty. Al úzdik qysqametrli fılm dep rejısser Anna Katornınanyń (Sankt-Peterbýrg) «Pomorskıe jonkı» tanylǵan.
Aınash ESALI, «Egemen Qazaqstan»
ALMATY