Olımpıada saıysynda bir ret baq synaýdyń ózi úlken jetistik. Al japonııalyq tramplınshi Norıakı Kasaı 1992–2018 jyldar aralyǵynda Qysqy Olımpıadaǵa 8 ret qatysqan.
Qatysyp qana qoıǵan joq. Ol 1994 jyly Lıllehammerde komandalyq jarysta kúmis medal aldy. Qaıtpaıtyn Kasaı 2014 jyly Sochıde de kúmiske qol jetkizip, jankúıerin qaıran qaldyrdy. О́ıtkeni ol kezde onyń jasy 41-de edi. Olımpıadada mundaı jasqa kelip medal alý óte sırek kezdesedi. Sebebi tramplınde jyldamdyq, sekirý dáldigi, aýadaǵy tepe-teńdik – bári minsiz bolýy kerek. Biraq Kasaı ýaqytqa des bermeı, jasy ulǵaısa da babyna kelip otyrǵan.