Tájikstan respýblıkasy TMD-ǵa 2018 jyldan bastap tóraǵalyq etý mártebesine ıe boldy. Bul týraly Sochıde ótip jatqan TMD-ǵa múshe memleketter basshylarynyń keńesinde belgili boldy.
Alqaly jıynǵa Memleket basshysy N.Nazarbaev ta qatysýda. TMD-ǵa múshe memleketter basshylarynyń alqaly jıynynda Dostastyq aıasynda ózara tıimdi áriptestikti odan ári tereńdetý joldary, sonymen qatar ózara áriptestikti búgingi kún talaptaryna beıimdeý máseleleri qarastyrylýda. Qaýipsizdik, qorǵanys, sybaılas jemqorlyqqa qarsy birlesken is-qımyl, ǵaryshty beıbit maqsatta zertteý jáne paıdalaný, mádenı-gýmanıtarlyq yntymaqtastyq máselelerine kóńil bólindi.
Arnur ASQAR,
«Egemen Qazaqstan»
Sochı