Aımaq: Apta aıshyqtary

Temir jol vokzaly men avtobeket aldyndaǵy qaıtadan ásemdelip, sándendirilgen alań orta­syna qoıylǵan ǵulama ǵalym eskertkishi asqaq kórinýimen aıryq­shalanady. Oń qolyna Qazaqstannyń geologııalyq kartasyn qysa ustaǵan uly geologtyń jigerli júzi, jarqyn beınesi el keleshegine senimdilikti ańǵartady. Bul – bıyl halqymyzdyń kórnekti tulǵalaryna arnalyp orna­tylǵan oblys ortalyǵyndaǵy úshinshi eskertkish. Aımaq tarıhy qazir qalanyń ár tusynan syr shertedi.

Aıqyn NESIPBAI. Qaraǵandy. 

HAMIT AQYNNYŃ О́LEŃDERI OQYLDY. Soǵystan keıingi jyldary adýyndy jyrlarymen tanylǵan Hamıt Erǵalıevtyń jalyndy poezııasy halyq jadynan óshpek emes. Bıyl oqyrman júregine jol tapqan aqynnyń týǵanyna 95 jyl toldy. Osynaý mereıli dataǵa oraı ótken aptada «Jyr munara – Hamıt aqyn» atty kórkemsóz oqý sheberleriniń baıqaýy ótti. Sonymen qatar, osy taqyrypta kórme de uıymdastyryldy. Kórmege aqynnyń shyǵarmalary, tarıhı foto sýretteri men kıimderi, ózi ustaǵan jeke dombyrasy, jazý mashınkasy men marapat­tary qoıyldy. Al aqynnyń óleńderinen kórkemsóz oqýǵa Bereke orta mektebiniń oqýshylary qatysty. О́nerpazdar óner kórsetti.

Joldasbek ShО́PEǴUL. Atyraý. 

TANYMAL О́NERPAZ О́ŃIRGE KELDI. О́tken aptada elimizdiń halyq ártisi, Memlekettik syılyqtyń laýreaty, pıanıst Jánııa Áýbákirova oblys ortalyǵyndaǵy Estaı atyndaǵy mádenıet saraıynda jeke konsertin ótkizdi. О́ńirge arnaǵan bul óner saparyn ol el Táýelsizdiginiń 20 jyldyǵyna arnady. Uly kompozıtorlardyń ǵajaıyp klassıkalyq týyndylaryn oryn­dap, oblys jurtshylyǵyna rýhanı lázzat, qudiretti syrly áýender syılady. Tylsym áýendi mýzykany tyńdaý úshin bıik talǵam, tereń túsinik qajet, deıdi Jánııa Áýbákirova. Kerekýden keıin mýzykantty Fransııa, Polsha kútip otyrǵan kórinedi. Fransııa demekshi, tanymal ónerpaz osy eldiń óner jáne ádebıet ordeniniń ıegeri.

Farıda BYQAI. Pavlodar. 

QAZAQSTAN KINOLARYMEN QAÝYShTY. Ońtústikte Qazaqstan kınematografıster odaǵy jáne Sh.Aımanov atyndaǵy “Qazaqfılm” AQ-tyń uıymdastyrýymen qazaq kıno óndirisiniń búgingi damý barysyna arnalǵan kezdesý ótkizildi. Oǵan belgili kınoakterlar qatysty. Qazaq kınolary telearnalarda jıi kórsetile bermeıdi. Nasıhattalýy da kemshin. Belgili kınoakter Nurjuman Yqtymbaev pen kınorejısser ári akter Bolat Qalymbetov bastaǵan top Sh.Qaldaıaqov atyndaǵy oblys­tyq fılarmonııada kórermendermen júzdesti. Apta boıy kınotea-trlarda qazaqstandyq fılmder kórsetildi. Jurtshylyqtyń ystyq yqylasyna ıe bolǵan bul júzdesýler el Táýelsizdiginiń 20 jyl­dyǵyna arnaldy.

Baqtııar TAIJAN. Ońtústik Qazaqstan oblysy. 

BILIM JÚIESINDEGI OZYQ JOBA. Norvegııalyq «RKK» qorynyń bastaýymen bilim júıesindegi ozyq joba elimizde birneshe jyldan beri júzege asyrylyp keledi. Jýyrda qordyń ókilderi Qyzyljar óńirinde bolyp, óz tájirı­belerimen bólisti. 2011-2013 jyldarǵa arnalǵan seriktestik jobasy aıasynda kásiptik-tehnıkalyq bilim berý salasynyń problemalary jan-jaqty sóz etildi. Sheteldik meımandardy Petropavl qurylys-ekonomıkalyq kolledjindegi ıgi ister erekshe qyzyqtyrdy. Úzdikter sanatyndaǵy oqý ornynda 1700-den astam oqýshy 17 mamandyq boıynsha bilim alady. Osyn­da ótkizilgen ashyq sabaqtar men semınarlarda jańa oqytý jú­ıesiniń artyqshylyqtary ózgeler tarapynan qoldaý tapty. Qor­dyń bas­qarýshy dırektory Ýle Imsland ozyq tehnologııaǵa negizdelgen baǵdar­lamanyń zamanaýı talaptarǵa tolyqqandy jaýap beretinin atap ótti.

О́mir ESQALI. Soltústik Qazaqstan oblysy. 

JURTShYLYQPEN TIKELEI TILDESTI. Jaqynda qalanyń kásipodaq uıymdarynyń basshylary jergilikti «Spektr» gazeti arqyly qala jurtshylyǵymen tikeleı efır arqyly tildesti. Onda qala turǵyndarynyń eńbek quqy men eńbek daýy, elimizdegi kásipodaq qozǵalysynyń qazirgi jaı-kúıi týraly máseleler jan-jaqty qozǵaldy. Osyndaı mańyzdy tikeleı tildesýdiń tolyq nusqasy atalǵan qalalyq basylymda jarııalanatyn bolady. Jasyratyny joq, keıingi kezde bedeli túsip ketken uıymnyń óz jumysyn shırata túsýine mundaı sharalardyń septigi tıip jatsa, kánekı!

Dáýlet SEISENULY. Semeı. 

KÁSIPKERLIKTI DAMYTÝ – О́RKENDEÝ NEGIZI. «Nur Otan» HDP oblystyq fılıalynda ótkizilgen «Shaǵyn jáne orta bıznes qyzmetine negizsiz aralasý faktilerin boldyrmaý boıyn­sha óz­ara áreket jasaý týraly» dóńgelek ústelge qarjy polısııasy men Qazaq­stannyń «Atameken» odaǵy ulttyq ekonomıkalyq pala­tasy ZTB, Qazaq­stan kásipkerleri, oblystyq saýda-ónerkásip palata­sy jáne qalalyq kásipkerlerdiń quqyqtaryn qorǵaý palatasynyń ókilderi qatysty. Dóńgelek ústelde Aqtóbe oblysy boıynsha ekonomıkalyq qyl­mys­qa jáne sybaılas jemqorlyqqa qarsy kúres departamentiniń bastyǵy Qaırat Bıjanov, «Atameken odaǵy» oblystyq fılıalynyń dırektory Asqar Sadyqov jáne t.b. kásipkerlikti damytýdyń ózekti máselelerin ortaǵa saldy.

Satybaldy SÁÝIRBAI. Aqtóbe.