Keıbir kategorııalarǵa raqymshylyq jasalady

Keshe Parlament Májilisi Tóraǵasynyń orynbasary Jánibek Káribjanovtyń jetekshilik etýimen palatanyń jalpy otyrysy bolyp ótti. Onda «Qazaqstan Respýb­lıkasy Táýelsizdiginiń 20 jyldyǵyna baılanysty raqymshylyq jasaý týraly» zań jobasy maquldandy. Zań jobasynyń kózdegen maqsaty týraly Ádilet mınıstriniń orynbasary Ámirhan Aman­baev baıandama jasady. Otyrysta zań jobasy boıynsha qurylǵan jumys tobynyń jetekshisi, Májilistiń Zańnama jáne sot-quqyqtyq reforma komıtetiniń múshesi Serik Temirbolatov qosymsha túsinik berdi. Bul zań jobasynda onsha aýyr emes jáne aýyrlyǵy ortasha qylmystar úshin sottalǵan azamattardyń áleýmettik turǵydan osal sa­nat­taryna, ıaǵnı kámeletke tolmaǵandar, júkti áıel­der jáne kámeletke tolmaǵan balalary bar áıel­der, zeınetkerler, múgedekter jáne bas­­qalarǵa qatysty raqymshylyq jasaýdy júr­gizý kózde­lip otyr. Sondaı-aq osy zań qol­da­nysqa engizilgenge deıin onsha aýyr emes jáne aýyrlyǵy ortasha qylmys jasaǵany úshin qylmystyq jaýapkershilikke tartyla­tyn bar­lyq qylmystyq isterdi jáne qyl­mys­tar týraly sotta qaral­maǵan isterdi toqtatý kózdeledi. «Ǵarysh qyzmeti týraly» zań jobasy ekinshi oqylymda talqyǵa salynyp, nátıjesinde tolyqtaı maquldandy. Jáne «Qazaqstan Res­pýblıkasynyń keıbir zańnamalyq aktilerine zııatkerlik menshikti damytý men qorǵaý tetikterin jetildirý máseleleri boıynsha ózgeris­ter men tolyqtyrýlar engizý týraly» zań jo­basy birinshi oqylymda qoldaý tapty. Zań jobasy Qazaqstan Prezıdenti Nursultan Na­zarbaevtyń 2011 jylǵy 17 sáýir kúngi Úki­met­tiń keńeıtilgen májilisinde bergen tap­syr­masyn oryndaý úshin ázirlengen. Jalpy otyrysta birqatar halyqaralyq mańyzy bar zań jobalary talqyǵa salyndy. Sonyń ishinde «Azııadaǵy ózara is-qımyl jáne senim sharalary jónindegi keńes Hatshy­ly­ǵynyń, onyń personalynyń jáne múshe memleketter ókilderiniń artyqshylyqtary men ımmýnıtetteri týraly konvensııany ratıfıkasııa­laý týraly» zań jobasy jóninde Syrt­qy ister mınıstriniń orynbasary Qaırat Sarybaı baıandama jasady. Halyqaralyq ister, qorǵa­nys jáne qaýipsizdik komıtetiniń múshesi Sa­ǵyn­bek Tursynov qosymsha baıandama jasady. Májilis depýtattary zań jobasyn maquldaý jóninde ortaq kelisimge keldi. So­nymen qatar, «1992 jylǵy 15 mamyrdaǵy Ujymdyq qaýip­sizdik týraly shartqa ózgeris­ter engizý týraly hat­tamany ratıfıkasııalaý týraly» jáne «2002 jylǵy 7 qazandaǵy Ujymdyq qaýipsiz­dik tý­raly shart uıymynyń Jarǵysyna ózge­ris­ter engizý týraly Hatta­many ratıfıkasııalaý tý­ra­ly» eki zań jobasy da maquldandy. Zań jo­basy jóninde Syrtqy ister mınıstriniń oryn­basary Amangeldi Ju­mabaev baıandama ja­saǵannan keıin, Máji­lis­tiń Halyqaralyq ister, qorǵanys jáne qaýip­sizdik komıtetiniń mú­shesi Erjan Isaqulov qosymsha túsinik berdi. Kelesi kezekte «Kópjaqty saýda júıesi sheń­berinde Keden odaǵynyń jumys isteýi týraly shartty ratıfıkasııalaý týraly» zań jobasy talqyǵa túsip, bul zań jobasy da tolyqtaı maquldandy. Jalpy otyrysta basqa da birqatar zań jobalary jan-jaqty talqyǵa túsip, tıisti sheshimder qabyldandy. Sonymen qatar, Úkimetten kelip túsken ja­ńa zań jobalaryna qorytyndy ázirleý ýa­qyttaryn naqtylaý boıynsha palata sheshimi shyǵaryldy.