Metro qyzyǵynyń qýanyshy

Metro arqyly júıtkıtin kúnder de alys emes, al oǵan deıin almaty­lyq­tar­dyń bir legi sáýleti kelisken, samaladaı jaryq metro stansalaryna túsip, jer as­tynda jolaý­shy­laý­dyń qandaı ekenin baıqap kórdi. Osylaısha, ótken demalys kúnderi Almaty metropolıteninde ashyq esik kúni ótti. Qalalyqtar úshin alǵash ret Gogol men Panfılov kósheleri­niń qıylysyndaǵy «Jibek jo­ly» stansasy esigin aıqara ash­yp, metro qyzmetkerleri kópshi­lik­ti birneshe shaqyrym saıahat jasaýǵa shaqyrdy. Birinshi bolyp metroǵa otyrý múmkindigin jibermegen almatylyqtar kúni boıy birneshe stansany aralap, osyndaǵy qala tirshiligine ar­nal­ǵan fotokórmeni tamashalady. Alǵash jer asty arqyly jo­laý­shylaǵan jurtshylyq Abaı dań­­ǵyly men Fýrmanov kóshe­si­niń qıylysyna ornalasqan «Abaı» stansasyna, odan keıin opera tea­trynyń tusynan shy­ǵa­tyn «Al­ma­ly» stansalaryna sapar shekti. Abaı-Manas kósheleriniń qı­y­lysynan bastalatyn Almaty metrosynyń alǵashqy tarmaǵy «Saıahat» avtovokzalyna deıin so­zylatynyn jáne ol jeti stan­sany quraıtyndyǵynan buǵan deıin de habardar etkenbiz. Bul aralyqty jer asty poıyzdary 12 mınýtta júrip ótedi, qu­ra­ma­lar ár 9 mınýt saıyn stan­sa­larǵa kelip otyrady. Endi el metro tolaıym iske qosylatyn el Táýelsizdiginiń 20 jyldyǵyn kútip otyr. Bul kúnderi Almaty metro­sy­nyń ekinshi tarmaǵynyń da qu­ry­ly­sy júrip jatyr. Nátıjesinde Al­maty metrosy qalany «Qal­qa­man» poselkesimen jalǵaıtyn bolady. Qazirge belgilisi, metroda jú­rý aqysy 100 teńge bolmaq. Qala ákimdigi metro úshin mundaı jo­l­aqy qymbat emes dep esepteıdi. Kóshedegi kólik keptelisterinde júıkeni juqartyp, ýaqytty zaıa ketirgenshe sáýlet óneri saltanat quryp turǵan stansalarda qy­dy­ryp, kerek jerińe jaıly vagondar arqyly kózdi ashyp-jum­ǵan­sha jetip alýdyń durystyǵyn aıtady. Aınash ESALI. Almaty. ----------------------------------- Sýretti túsirgen Iýrıı BEKKER.