«Mogadıshoda «Ash-Shabab» terrorlyq uıymynyń qandy shabýylynan qaza tapqandar sany 276 adamǵa jetti. Sondaı-aq, 300-den astamy túrli deńgeıde jaraqat aldy», dep jazdy Somalıdiń aqparat mınıstri Abdırahman Osman «Twitter» paraqshasynda.
О́tken senbi kúni Somalı astanasy Mogadıshoda qaskóıler jarylǵysh zat ornalasqan júk kóligin «Safarı» qonaq úıiniń mańynda, adam kóp jınalǵan jerde iske qosqan bolatyn. Nátıjesinde, qonaq úı qırap, turǵyndar úıindiniń astynda qaldy.
«Ash-Shabab» qaskóıler toby 2007 jyly qurylǵan bolatyn. BBC-diń habarlaýynsha, osy ýaqyt aralyǵynda mundaı iri jarylys bolmaǵan. Atalǵan top Somalı bıligine qarsy jıi shabýyl uıymdastyrady. Sondaı-aq, olardyń «Al-Kaıda» terrorlyq uıymymen tyǵyz baılanysta ekeni belgili.
El prezıdenti Mohammed Abdýllahı Mohammedtiń sheshimimen aldaǵy úsh táýlik qaraly kún etip jarııalandy.