Keshe VIETJET QAZAQSTAN áýe kompanııasy Astana áýejaıy aýmaǵyndaǵy angar kesheninde brendtelgen áýe kemeleriniń birin jáne iske qosylatyn jańa servısterin tanystyrdy, dep habarlaıdy Egemen.kz.
VIETJET QAZAQSTAN basqarma tóraǵasy Ádilbek Ýmralıev áýekompanııanyń jańa SkyBoss servısin tanystyrdy. Bul qyzmet áýe kemesiniń aldyńǵy qataryndaǵy jaıly oryndardy, borttaǵy tamaqtanýdy jáne áýejaılardaǵy laýnj-aımaqtarǵa kirý múmkindigin qamtıdy. Bul servıs jolaýshylarǵa bıylǵy jyldyń ekinshi toqsanynan bastap qoljetimdi bolady. Sonymen qatar servıs ıkemdi bron jasaý jáne keńeıtilgen bagaj opsııalaryn usynady.
Sondaı-aq is-sharada ekıpaj músheleri áýekompanııanyń jańa kıim úlgisin kórsetti.
«Avıasııa túrli elder men olardyń mádenıetteri arasyndaǵy kópir ispettes. VIETJET QAZAQSTAN brendimen ushatyn áýe kemesi Qazaqstan men Vetnam arasyndaǵy berik dostyq baılanysynyń sımvoly», dedi «QAZAQ AIR» AQ (VIETJET QAZAQSTAN) basqarma tóraǵasy Á. Ýmralıev.
Jıyn sońynda VIETJET QAZAQSTAN SkyPayDa megasatylymy bastalǵanyn jarııalady. Bul − barlyq baǵyttar boıynsha 30 myń bıletke 50% jeńildikpen satyp alý múmkindigin usynady (sýbsıdııalanatyn reısterden basqa). Aksııa 12 aqpannyń keshinen 15 aqpannyń túnine deıin jaramdy jáne bul 2026 jyly 24 qazanǵa deıingi reısterge qoldanylady.
Qazaqstan men Vetnam ózara taýar aınalymyn eki ese arttyrýǵa nıetti
Eske salaıyq, 2025 jylǵy 6 mamyrda Prezıdent Qasym-Jomart Toqaev pen Vetnam Kommýnıstik partııasy Ortalyq komıtetiniń Bas hatshysy To Lamnyń qatysýymen «QAZAQ AIR» áýekompanııasyn jekeshelendirý jumysy aıaqtaldy. Sol kúni Astanada ótken Qazaqstan – Vetnam bıznes-forýmynda «QAZAQ AIR» men Vietjet Air arasyndaǵy strategııalyq áriptestik baılanys ornatylyp, VIETJET QAZAQSTAN brendi iske qosylǵan edi.
Vetnamdyq kompanııa Qazaqstanda elektr taksıdi iske qosqysy keledi