Ispanııanyń Pontevedra qalasynda ártistik júzýden Álem kýboginiń fınaldyq saıysy ótti. Alǵashqy kúni aralas juptardyń tehnıkalyq baǵdarlamasynda Iаsmına Islamova men Aldııar Ramazanov qola medalǵa qol jetkizdi. Olar Ulybrıtanııa men Ispanııa sportshylarynan qalyp qoıdy. Jekelegen saıysta ıtalııalyq Fılıppo Pelatı men ıspanııalyq Eneko Sanches Agılardy alǵa jibergen Aldııar Ramazanov ta dál sol mejeden kórindi.
Sadaq atýshy Ilfat Abdýllın Slovenııadaǵy «Veronica’s Cup» týrnırinde top jardy. Fınalda ol úndistandyq Sachın Gýptyǵa san soqtyrdy. Quramynda Ádel Jeksenbınova, Roksana Iýnýsova, Vıktorııa Lıan syndy mergenderi bar elimizdiń quramasy bloktyq sadaq atýdyń komandalyq saıysynda qola medal ıelendi.
Bokstan elimizdiń jastar quramasy Majarstanda ótken halyqaralyq týrnırdi 15 júldemen qorytyndylady. Tarqatyp aıtsaq, alty órenimiz altyn tuǵyrǵa kóterildi. Altaýy fınalda utylsa, úsheýi qola medal ıelendi. Jarystyń eń úzdik bapkeri ataǵy Baqyt Sársekbaevqa buıyrdy.
Serbııalyq Aleksandra Krýnıchpen jup qurǵan Anna Danılına «Rolan Garrostaǵy» tusaýkeser kezdesýinde Djessıka Malechkova/Mırıam Shkohqa (Chehııa) shań qaptyrsa, ekinshi aınalymda Maııa Djoınt (Aýstralııa)/Henne Vandevınkel (Belgııa) jubyn jeńdi. Odan keıin ýkraınalyq Angelına Kalınına/Daıana Iаstremskaıalardan basym tústi. Sondaı-aq Anna amerıkalyq Djeıms Treısımen birge mıkste de tabysty óner kórsetip, shırek fınalǵa shyqty.
Bokstan Almatyda Keńes Odaǵynyń batyry, Halyq qaharmany Saǵadat Nurmaǵambetovti eske túsirýge arnalǵan halyqaralyq týrnır aıaqtaldy. Oǵan elimizden bólek, О́zbekstan, Qytaı, Qyryǵzstan, Tájikstan quramalary qatysty. 55 kg salmaqta kópten beri kórinbeı ketken Sáken Bıbosynov bas júldeni oljalasa, +90 keli salmaq dárejesinde О́zbekstanda týyp-ósken qandasymyz Madııar Saıdraqymov qarsylas shydatpady. Sondaı-aq myna bylǵary qolǵap sheberleri jarys jeńimpazy atandy: 50 kg – Ernar Karap (Abaı), 55 kg 60 kg – Asyljan Serikbaı (Shymkent), 65 kg – Abzal Serik (Shymkent), 70 kg – Elnur Súıinbaı (Jambyl), 75 kg – Erkebulan Sháıkenov (Jetisý), 80 kg – Nurqanat Raıys (Mańǵystaý), 85 kg – Beknur Batyrbek (Armııanyń ortalyq sport klýby), 90 kg – Nurjan Dýman (Karaǵandy).
Elimizdiń sporttyq gımnasshylary Slovenııanyń Koperinde ótken «Challenge Cup» dodasynda oljaǵa keneldi. «At» jattyǵýynda Zeınolla Ydyrysov kúmis medal jeńip aldy. Ol tek horvatııalyq Mateo Zýgesten qalyp qoıdy. Qola júldeni ulybrıtanııalyq Djoshýa Natan ıelendi. Elimizdiń taǵy bir ókili, Parıj Olımpıadasynyń kúmis júldegeri Narıman Qurbanov jetinshi oryndy qanaǵat tutty.
Jeńil atletıkadan Gonkongta ótip jatqan jastardyń Azııa birinshiliginde (U20) elimizdiń quramasy bes júldege qol jetkizdi. Ásirese Maksım Sajnev qýantty. 17 jastaǵy jas óren dıskini 60 metr 45 santımetrlik qashyqtyqqa laqtyryp, bas júldeni oljalady. Sonymen qatar ol el rekordyn jańartty. Syryqpen sekirýshi Anna Cherkashına kúmispen kúptelse, úsh qarǵyp sekirýshi Marııa Shıpacheva, ıadro laqtyrýshy Alına Golovına, onsaıysshy Asqar О́mirzaq qolaǵa qol sozdy.
Parıjde jastar arasyndaǵy «Rolan Garros» týrnıri bastaldy. Alǵashqy aınalymda Zańǵar Nurlanuly ulybrıtanııalyq Mark Sebanǵa san soqtyrdy – 6:3, 6:4. Damır Jalǵasbaı fransııalyq Iаnnık Aleksandreskýden aılasyn asyra almady – 2:6, 3:6. Daıyndaǵan –Ǵalym SÚLEIMEN, «Egemen Qazaqstan»