Urpaq qaýipsizdigi – basty nazarda

Oblystyq bilim basqar­masy­nyń málimetin­she, ata-ana qam­qor­ly­ǵyn­syz qalǵan, sondaı-aq jaǵ­daıy tómen otbasylardyń bala­lary men daryndy oqýshy­lar­­dy saýyqtyrýǵa jergilikti bıýd­jet qorynan 300 mln teńge qarasty­rylǵan. Munyń syrtynda, 2 634 balany jazǵy demalyspen qamta­ma­syz etýge jalpyǵa birdeı min­detti bilim qory esebinen 175 mln teńge kózdelip otyr. Qazirdiń ózinde barlyq konkýrstyq rəsim aıaqtalyp, kelisimsharttar jasalyp qoıǵan.

Internatta tárbıelenip jat­qan balalar da nazardan tys qalmaıdy. Atalǵan mekemeler­de bilim alyp jatqan 445 bala jazǵy demalysyn qala syrtynda ornalasqan 3 lagerde ótkizedi. Balalardyń jazǵy maýsymyn talapqa saı uıymdastyrý, qaýipsizdik sharalaryn saq­taý máselesinde oblystyq bi­lim basqarmasymen qatar, lager ornalasqan aýmaqtyń ákimdikterge de jaýapkershilik júktelip otyr.

Bilim basqarmasynyń basshysy Aıman Ybyraevanyń aıtýynsha, ormandy alqaptarda ornalasqan 9 lagerde uıaly baılanys nashar. Bul tótenshe jaǵdaı kezinde jedel əreket etýge kedergi keltiredi. Atalǵan demalys oryndaryna sapaly baılanys ornatý maqsatynda bilim basqarmasy «Starlink» spýt­nık­tik ınternet jabdyqtaryn satyp alýdy qarastyryp jatyr. Oǵan shamamen 7 mln teńge bólinedi.

Balalardyń jazǵy demalysyn uıymdas­tyrýǵa birqatar iri kásiporyndar da atsalysady. Mysaly, Qostanaıdaǵy «Allıýr» avtozaýyty Meńdiqara aýdanynda birtalaı jyldan beri qaraýsyz turǵan burynǵy «Solnechnyı» balalar lagerin qaıta qalpyna keltirýge nıet­te­nip otyr. Kásiporyn kóp keshik­tir­meı qurylys jumystaryn qolǵa almaq. Demalys orny kúr­deli jóndeýden ótken soń, jyl on eki aı boıy jumys isteı­tin kommersııalyq balalar lagerine aınalady.

Balalar lagerlerinde 4 myń­nan astam tárbıeshi men volonter jumys isteıdi. Oqýshylardyń demalys maýsymynda qaýip­sizdik máselesine basa mán beriledi. «Qaýipsiz aımaq» jobasy aıasynda ózen-kólderge jaqyn ornalasqan lagerlerde arnaıy mamandar balalarǵa qaýipsizdik erejelerin úıretedi.

Qostanaı oblysy