Almatyda qalanyń sánin asyrǵan ádemi muraldar jetkilikti bolsa da, zamana bulbuly, qaıtalanbas daryn, KSRO Halyq ártisi, aty ańyzǵa aınalǵan ánshi Roza Baǵlanovaǵa arnalǵan mural megapolıske erekshe ár berip tur.
О́miriniń sońǵy jyldarynda ánshi turǵan úıdiń kórkin keltirip turǵan bul sýrettiń mańyzdylyǵy da sonda, kórkem nysan turǵyndardyń ákimdikke jasaǵan ótinishiniń arqasynda iske asqanyn aıta ketý kerek.
Birtýar óner ıesine degen qurmet pen taǵzym syndy týyndyny júzege asyrý jumysyna Roza Baǵlanovanyń kelini Maral Baǵlanova da qatysqan. Ánshi ónerin baǵalaýshy zııaly qaýym jobany júzege asyrǵan azamattarǵa alǵys bildirip otyr.
Osylaısha, Halyq ártisiniń jarqyn beınesi endi el jadynda ári ulttyq óner tarıhynda ǵana emes, Almaty qalasynyń sáýlettik kelbetinde de máńgilikke saqtalmaq.
Muraldy ánshi ǵumyrynyń sońǵy jyldarynyń kýási bolǵan «Samal-3» shaǵynaýdanyndaǵy 21-úıdiń qabyrǵasynan kórýge bolady. ALMATY