О́skemen qalasynda Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy ustaldy, dep habarlaıdy Egemen.kz.
Aqparatty Joǵarǵy Sot rastady. Aldyn ala málimet boıynsha, sýdıa múddeli taraptyń paıdasyna bas bostandyǵynan aıyrýmen baılanysty emes úkim shyǵarý úshin 40 mıllıon teńge kóleminde para aldy degen kúdikke ilingen.
Joǵarǵy sottyń baspasóz qyzmetiniń habarlaýynsha, kúdikti Ulttyq qaýipsizdik komıteti Shyǵys Qazaqstan oblysy boıynsha departamenti men Sot ákimshiliginiń ishki qaýipsizdik bóliminiń birlesken operasııasy barysynda asa iri kólemde para alý kezinde ustalǵan.
«Múddeli taraptyń paıdasyna oń sheshim qabyldaǵany úshin asa iri kólemde para alý faktisi boıynsha Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy ustaldy», delingen habarlamada.
Shymkentte kásipkerden 25 mln teńge alǵan jalǵan tekserýshi ustaldy
Oqıǵanyń barlyq mán-jaıy anyqtalady. Qazir tergeý amaldary júrip jatyr.