Qazaqstanda munaı izdeý geografııasy keńeıýi múmkin. Bul týraly Ortalyq kommýnıkasııalar qyzmetindegi brıfıngte О́nerkásip jáne qurylys mınıstrliginiń Geologııa komıteti tóraǵasynyń mindetin atqarýshy Qanat Erýbaev málimdedi, dep habarlaıdy Egemen.kz.
Brıfıng barysynda jýrnalıster Jangeldın aýdanynda munaı tabylǵany týraly aqparatqa qatysty suraq qoıdy.
«Munaıdy tabý úshin aldymen perspektıvalyq tuzaqtardy anyqtaý qajet. Bul – kúrdeli jumys, biraq ony júrgizý mindet. Bizdegi Soltústik Torǵaı shógindi basseıni óte aýqymdy. Onyń soltústik bóliginde kórshi el munaı men gaz óndirip jatyr. Sondyqtan osyndaı nysandardy anyqtaýǵa múmkindik jetkilikti. Osyǵan baılanysty Qostanaı oblysy aýmaǵynda seısmıkalyq barlaý jumystaryn josparlap otyrmyz», dedi Qanat Erýbaev.
Onyń aıtýynsha, barlaý jumystary 2026 jyly bastalyp, 3 jyl ishinde aıaqtalýy tıis.
2025 jyly Qazaqstan álem elderine qansha tonna munaı satty?
Munaı óndirisi negizinen batys óńirlerde shoǵyrlanǵan. Iri ken oryndary men negizgi ınfraqurylym Atyraý, Mańǵystaý, Batys Qazaqstan, Aqtóbe oblystarynda ornalasqan. Qyzylorda oblysynda da az kólemde óndiris bar.
Munaı qory boıynsha TOP-15 el: Qazaqstan qatarda bar ma?
Jýyrda Úkimettiń keńeıtilgen otyrysynda Memleket basshysy «Qazaqstan jylyna shamamen 100 mıllıon tonna munaı óndiredi, alaıda sonyń tek 18 mıllıon tonnasyn ǵana ózimiz óńdeımiz», dep, suranystyń artýyn eskere otyryp, Úkimetke qoldanystaǵy munaı óńdeý zaýyttaryn jańǵyrtýdy jedeldetip, jańa zaýyt salý jóninde sheshim qabyldaýdy tapsyrǵany málim.
Memleket basshysy Úkimetke eldegi munaı óńdeý zaýyttaryn jedel jańǵyrtýdy tapsyrdy