Atyraý qalasynda quqyq qorǵaý ortalyǵy ashyldy, dep habarlaıdy óńir basshysynyń baspasóz qyzmeti.
Munda bilikti zańgerler, advokattar, medıatorlar, sot oryndaýshylary, notarıýstar, ıývenaldy qyzmet jáne probasııa qyzmetkerleri jumys isteıtin bolady. О́tinishterdi prokýrorlar da qabyldaıdy.
Ortalyqtyń ashylý saltanatyna Atyraý oblysysynyń ákimi Nurlan Noǵaev qatysty. Ol ortalyqtyń oblys turǵyndary úshin mańyzdylyǵyn atap ótip, prokýratýra ujymyna aldaǵy eńbekte sáttilik tiledi. Sondaı-aq óńir basshysy ortalyq ofısimen tanysyp, qyzmetkerlermen tildesti.
Oblys prokýrory Ernat Sybanqulovtyń aıtýynsha, buryn azamattarǵa ártúrli qurylymdarǵa barý úshin qalanyń bir shetinen ekinshi shetine júrýge týra kelgen, al endi kerekti qurylymdardyń ókilderi bir jerde ornalasady.