Budan buryn habarlaǵanymyzdaı, Úkimet úıinde Qazaqstan respýblıkasynyń Premer-Mınıstri Baqytjan Saǵyntaev pen Qyrǵyz Respýblıkasy Premer-Mınıstri Sapar Isakov shaǵyn jáne keńeıtilgen otyrysta shekara, transport, fıtosanıtarlyq jáne veterınarlyq baqylaý, EEO, DSU erejeleri men normalaryna saı keden jáne salyq ákimshiligin júrgizý boıynsha suraqtar qarastyryldy.
Premer-Mınıstr Baqytjan Saǵyntaev "Qazaqstan Respýblıkasynyń Prezıdenti aıtqandaı, baýyrlas memleketter arasyndaǵy qarym-qatynas nátıjeli jáne ózara tıimdi yntymaqta úlgi bolýy tıis", dep atap ótti.
О́z kezeginde Qyrǵyzstan Premer-Mınıstri Sapar Isakov Qyrǵyz tarapynan salmaqty delegasııanyń kelgenin atady.
"Qyrǵyzstan Premer-Mınıstri retinde konstrýktıvti jumys isteýge beıildimin", dedi ol.
Kelissózder nátıjesinde taraptar jeke júgi bar fızıkalyq tulǵalar úshin qazaq-qyrǵyz shekarasyndaǵy tártipti, jolaýshylar avtobýsymen, jeńil jáne bos júk avtotransport quraldaryn turaqty qamtamasyz etýge kelisti. Odan bólek, eki eldiń Premer-Mınıstrleriniń tóraǵalyǵymen ekonomıkalyq qatynastardyń mańyzdy suraqtary boıynsha birlesken "Jol kartasyn" ázirleýge jumys tobyn qurý sheshimi qabyldandy.