Elbasy Nursultan Nazarbaevtyń atyna Qyzylorda oblysynda jıyn-terin naýqanynyń tabysty aıaqtalýyna oraı oblys ákimi Q.Kósherbaevtan jáne bir top aýyl sharýashylyǵy eńbekkerlerinen hat kelip tústi, dep habarlady Prezıdenttiń baspasóz qyzmeti.
Qyzylordalyqtardyń hatynda Syr óńiriniń agroónerkásip kesheni memleket qoldaýymen sońǵy jyldary qarqyndy damyǵany baıandalǵan. Oblys dıqandarynyń tynymsyz eńbegi arqasynda byltyrǵy rekordtyq kórsetkish taǵy da jańaryp, kúrishten buryn-sońdy bolmaǵan mol ónim alynǵany habarlanǵan.
«Syr boıy dıqandary 91 myń gektar egistiktiń ár gektarynan 55,3 sentnerden ónim alyp, el qambasyna jarty mıllıon tonnadan astam kúrish jınady. Oblys kúrishshileri osymen bes jyl qatarynan rekordtyq kórsetkishterge qol jetkizip otyr», dep atap ótken hat ıeleri.
Sońynda sharýalar óńir jurtshylyǵy atynan Memleket basshysyna qamqorlyǵy úshin zor rızashylyq bildirip, jasampaz bastamalardy iske asyrý jolynda aıanbaı eńbek ete beretinderin aıtqan.
Hat avtorlary arasynda Qazaqstannyń Eńbek Eri, Kúrish óndirýshiler men óńdeýshiler assosıasııasynyń tóraǵasy A.Erálıev, oblystyq qoǵamdyq keńestiń tóraǵasy S.Imandosov, «Syr marjany» JShS dırektory M.О́teev jáne ózge de aýyl sharýashylyǵy salasynyń eńbekkerleri bar.