Shırek ǵasyr buryn egemendigin alǵan elimiz tarıhı ólshemmen alyp qaraǵanda qas-qaǵym sátte tańdaı qaǵarlyq jetistikterdi enshilegenin maqtanyshpen aıtýǵa tıispiz. Ekonomıkalyq ahýalǵa aýdarylǵan áý bastaǵy nazar qazir memleketimizdiń bosaǵasyn berik etip, keregesin keńeıtti, shańyraǵymyzdyń asty shat-shadyman kúıde.
El irgesin nyqtaǵannan keıin tarıhymyzdy túgendedik. «Mádenı mura» baǵdarlamasynyń, Qazaq handyǵynyń 550 jyldyq mereıtoıynyń arqasynda barymyzdy baǵamdap, joǵymyzdy taptyq, bolashaǵymyzdy ult tanymyna baǵyttap, óshkenimizben qaýyshtyq.
Al endi Memleket basshysy Nursultan Nazarbaev bilim men rýhanı salalarǵa den qoıý qajettigin basa aıtýda. Muny Prezıdenttiń sońǵy jyldardaǵy Qazaqstan halqyna arnaǵan Joldaýlarynan birden ańǵarýǵa bolady. Ras, bilim salasyna birneshe jyldan beri basymdyq berilip, el qazynasynan bólinetin qarajat ta eselene túsýde. Muny nátıjesiz dep aıta almaımyz. О́ıtkeni túrli saralaý men zerdeleýden ótken reformalar keleshek urpaqtyń qabilettiligin arttyrýdy kózdeıdi.
Meniń aıtpaǵym, Rýhanı jańǵyrý edi. Bul qujattyń negizi retinde latyn álipbıine kóshý saıasatyn aıtýǵa bolady. Atalǵan úderistiń qazaq halqyna paıdaly tustaryn ǵalymdarymyz ben mamandarymyz BAQ betterinde únemi aıtyp, jazyp keledi. Bul, birinshiden, damyǵan eldermen ıyq tiresip, zaman kóshine ilesý bolsa, ekinshiden, ulttyq ǵylymnyń qıyndyq pen kedergige urynbaı ilgerileı túsýine serpin beretinin túsindik.
Kóp qoldaǵan latyn álipbıine kóshýdiń ýaqyt talaby ekenin №74 mektep-gımnazııasy ujymy da uǵynǵanyn jetkizgim keledi. Bul sózime kúni keshe uıymdastyrǵan «Latyn álipbıine kóshý – ulttyq jańǵyrýdyń uıytqysy» atty aqparattyq-túsindirme jumysymyz kýá. Ol alqaly otyrysta ata-analar men oqýshylarǵa latyn álipbıine kóshýdiń mańyzdylyǵy týraly tereń maǵlumat berdik. Qoǵamdyq durys pikir qalyptastyrýǵa septestik. Jıynda Sh.Shaıahmetov atyndaǵy tilderdi damytýdyń respýblıkalyq úılestirý ortalyǵynyń qyzmetkerleri qatysýshylarǵa latyn álipbıiniń Elbasyna usynylǵan úlgisin tanystyrdy.
Biz ǵalymdar men IT mamandar latyn álipbıiniń qoǵam talqysyna eki nusqasyn usynǵanynan habardarmyz. Alaıda, kópshiliktiń tańdaýy otyz eki áripten turatyn ekinshi nusqaǵa túsýde. Mamandardyń aıtýynsha, bul nusqanyń alǵashqy nusqadan ereksheligi tól dybystarymyz negizgi álipbı qatarynan oryn alypty jáne dáıekshe arqyly berilgen. Qoǵamnyń toqsan paıyzy qoldaǵan osy nusqa bizdiń de oıymyzdan shyqqanyn aıtý kerek. Mektep ujymy uıymdastyrǵan jıynnyń ereksheligi sol, onda zııaly qaýym ókilderi, ustazdar, qoǵam qaıratkerleri oılaryn ortaǵa salyp, pikirlerin bildirdi. Biz latyn álipbıine kóshý saıasatyn bir aýyzdan qoldaıtynymyzdy aıtyp, irgeli shara is júzine asqanda onyń keń taraýyna kúsh salýǵa ýaǵdalastyq.
Jeńiskúl NÚSIPJAN, №74 mektep-gımnazııanyń dırektory
Astana