Ult jospary oryndalýymen qundy

Ústimizdegi jylǵy esebinde Bilim jáne ǵylym mınıstri Erlan Saǵadıev 64-shi qadamdy oryndaý úshin ǵylym men ǵylymı-tehnıkalyq is-áreketti kommersııalandyrý týraly zań qabyldanǵanyn aıtyp, onyń búgingi kúni jemis bere bastaǵanyn jetkizdi. Bul zań boıynsha ǵylymı granttar men baǵdarlamalar endi memlekettiń ındýstrııalyq-ın­no­vasııalyq damý jónindegi suranystaryn qanaǵattandyrýǵa baǵyttalǵan. 

«Bizdiń ǵylymymyzdyń búgingi prob­lemasy – ǵalymdarymyzdyń eńbeginiń qol­danbaly sıpaty tómen jáne kommersııalanýy jarytymsyz bolyp kel­gendigi edi. Endi jańa zań boıynsha ǵalym­darymyz bir joba usynǵanda ony qosymsha qarjylandyratyn kompanııa, kásiporyn, bıznes nemese ýnıversıtet bolýyn talap etemiz. Sóıtip biz bul jo­ba­nyń bireýge qajettiligin biletin bolamyz. Osy baǵytta júrgizilgen jumystarymyz nátıjesin bere bas­tady, ony ǵylymı orta men bıznes qol­dady», dedi mınıstr óziniń sózinde. Onyń aıtýyna qaraǵanda, búginge deıin usynylǵan 70 grantty jobanyń 67-si qosymsha qarjylandyrý kózderin tapqan. Sonymen qatar mınıstr búgingi tańda 525 jańa jumys ornyn ashatyn 13,7 mlrd teńgeniń 75 granttyq jobasy iske asyrylýda ekenin aıtty. Búkilálemdik banktiń quny 110 mln AQSh dollaryn qurap, tehnologııany kommersııa­landyrýdy kózdeıtin «О́nikti ınnova­sııalardy yntalandyrý» jobasy da qolǵa alynǵan. Osy qadamdy iske asyrý ba­rysynda 2020 jyldyń qarsańynda bar­lyq ǵylymı jobalardyń bıznes tarapy­nan qosymsha qarjylandyrylýy 15 pa­ıyzǵa jetpek. 

Ekonomıkalyq yntymaqtastyq jáne damý uıymyna (EYDU) múshe elder standarttaryna sáıkes adam kapıtalynyń sapasyn arttyrýdy qamtyǵan 76-shy qa­dam­dy da atalǵan mınıstrlik iske asy­rýda. 2017 jyly Qazaqstan osy uıym­nyń Bilim berý saıasaty jónindegi komıte­tiniń tolyqqandy múshesi boldy. Uıym­nyń talabyna sáıkes 2020 jylǵa deıin­gi merzimde barlyq mektepterge «0+11 synyp» qaǵıdatymen 12 jyldyq bilim berý engiziledi. 2018-2019 jyldary 3-11 synyptarǵa jańa oqý baǵdarlamasy ázirlenedi. 

Al «Birtektilik pen birlik» dep atalǵan reformany iske asyrýǵa alty qadam arnalǵan. Bul reformada Qazaqstan halqy Assambleıasyna jaýapty jumystar júktelgen. Osy uıymnyń qoldaýymen qazir qazaqstandyq birtektilikti nyǵaıtý jumystary júrgizilýde. Jalpy aıtqanda, osy reforma, eń aldymen, jańa qoǵamdyq qatynastar, qoǵamnyń jáne memlekettiń jańa fýnksııalary men jańa ınstıtýttaryn qalyptastyrýdy kózdeıdi. Ol Jarlyqtarmen bekitilgen «Qazaqstandyq birtektilik pen birlikti nyǵaıtý jáne damytý», «Qazaqstan halqy Assambleıasyn 2025 jylǵa deıin damytý» jáne «Mádenı saıasat» tujyrymdamalarynyń negizinde iske asyrylýda. Qazir Assambleıa aza­mat­tyq úkimettiń jańa qoǵamdyq qyzmeti retinde jumys isteı bastady.  

Qazaqstandyqtardyń birtektiligin ny­ǵaıtý jáne azamattyq qoǵamnyń bútindigin qalyptastyrý úshin Qazaqstan halqy Assambleıasy «Úlken el – úlken otbasy» megajobasyn da ázirlep, iske asyrýda. Ol Qazaqstan Respýblıkasynyń týrıstik salasyn damytýdyń 2020 jylǵa deıingi tujyrymdamasyn jáne «Astana – Eýrazııa júregi», «Almaty – Qazaqstannyń erkin mádenı aımaǵy», «Tabıǵat birligi jáne kósh­peli mádenıetter», «Altaı injýleri», «Uly Jibek jolyn qaıta jańǵyrtý», «Kas­pıı qaqpasy» óńirlik mádenı-týrıs­tik klasterlerin qurýdy júzege asyrýmen baı­lanystyrylady. Sońǵy reforma «Esep beretin memle­ketti qalyptastyrý» dep atalyp, ony iske asyratyn 10 qadam «Ashyq Úkimettiń» móldirligin, memlekettik organdardyń esep berýshiligin, qoǵamdyq baqylaýdy kúsheıtý jáne azamattyq aralasýlardyń keńeıýine qol jetkizýdi jáne jetildirýdi qamtıdy. Osy reformany iske asyrý barysynda qazir elimizde memlekettik qyzmet kórsetilýlerdiń sapasy jaqsaryp, merzimi qysqaryp, sondaı-aq barlyq prosesterdiń ashyqtyǵy artyp keledi. «Ashyq Úkimettiń» «Ashyq derekter», «Ashyq bıýdjetter» jáne «Ashyq dıalog» sııaqty tórt komponenti iske qosyldy. 

Ult jospary osylaı, barlyq salalar boıynsha utymdylyqpen iske asyrylyp, tıimdi nátıjelerge qol jetkizip keledi. 

Jaqsybaı SAMRAT, «Egemen Qazaqstan»