Aldaǵy jyly elordanyń Esil ózenindegi teplohodttarda shaǵyn dámhanalar paıda bolady. Buǵan qosa, tamaqtaný oryndaryn da ashý kózdelip otyr, dep habarlaıdy Astana ákimdiginiń medıa ortalyǵy.
«Kelesi jyly keme maýsymyna daıyndyq barysynda jolaýshylar tasymaldaıtyn teplohodtarda dámhana men shaǵyn tamaqtaný oryndaryn ashýdy kózdep otyrmyz», - dedi «Esil Astana» MKQK dırektory Qanat Alın. Onyń aıtýynsha, mekeme qalalyq ákimdikke qosymsha kemeler satyp alý jóninde tapsyrys bergen.
«Sondaı qajetteligimiz bar. Astana damyp, turǵyndar men kelýshiler sany artyp keledi. Qalanyń týrıstik áleýeti zor. Bizdiń týrısterge qyzmet kórsetýge múmkindigimiz mol», - dedi mekeme dırektory.
Aıta keteıik, bıylǵy jyly Esil ózenindegi kemeler 35 myńnan astam jolaýshyǵa qyzmet kórsetti. Bul jyldaǵy jospardan 60 paıyzǵa artyq. Sondaı-aq kelesi jyly ózendegi taksı qyzmeti iske qosylyp, Astanadaǵy alǵyshqy ózen vokzalynyń qurylysy aıaqtalady dep kútilýde.