«Qazsınk» kompanııasy «Hrýstal pıramıda» bedeldi halyqaralyq syılyǵynyń eki úlken marapatyn jeńip aldy. Qyzmetkerlerdi oqytý jáne kemeldeý basqarmasy «Jyl korporatıvtik oqytýy-2017» atalymynda ekinshi orynǵa ıe bolsa, «Qazsınk» JShS-niń ákimshilik máseleler jónindegi atqarýshy dırektory Andreı Lazarev «Jyl HR-basshysy-2017» atalymynda gran-prı syılyǵyn ıelendi. Bul týraly «Qazsınk» JShS-niń jurtshylyqpen baılanys basqarmasy habarlady.
Reseı men TMD elderi HR-dırektorlarynyń XVIII halyqaralyq sammıti Máskeýde ótti. Bul is-sharaǵa 400-den astam qyzmetkerlerdi basqarý basshylary, adam kapıtalyn damytý jónindegi sarapshylar, memlekettik mekemelerdiń ókilderi, zertteý uıymdarynyń, bıznestiń jetekshi mektepteriniń mamandary jınaldy. Bir atap óterligi, budan burynǵy jyldary qyzmetkerlerdi basqarý salasynda «Lýkoıl» «Hrýstal pıramıda» munaı kompanııasynyń, «Rosatom» memlekettik korporasııasynyń, «RýsGıdro» energetıkalyq holdıngisiniń jáne basqa da kóptegen jetekshi korporasııalardyń HR-jobalary men HR-basshylary laýreat atanǵan bolatyn.
«Qazsınk» JShS-niń qyzmetkerlerdi oqytý jáne kemeldeý basqarmasy básekelesterdiń myqtylyǵyna qaramastan, «Jyl korporatıvtik oqytýy-2017» atalymynda ekinshi orynǵa ıe boldy. Al «Jyl HR-basshysy-2017» atalymyndaǵy gran-prı syılyǵyn bizdiń kompanııa jeńip aldy. «Qazsınk» JShS-niń ákimshilik máseleler jónindegi atqarýshy dırektory Andreı Lazarev «Hrýstal pıramıda» syılyǵyn ıelendi.
«Bizdiń kompanııa adamdardy jaýaptylyqqa, oqýǵa, laýazymdyq satymen ósýge, óziniń shyǵarmashylyq qabiletterin júzege asyrýǵa, qosymsha tabys tabý múmkindigin paıdalanýǵa yntalandyra otyra, olardyń múmkindik sheńberin únemi keńeıtý joldaryn qarastyrady, – deıdi Andreı Lazarev. – Sonymen birge qazirgi jaǵdaıda HR-qyzmetterge degen talaptyń ósip kele jatqanyn da jaqsy túsinemiz. Olar kóptegen máseleler boıynsha jumyskerlermen ózara is-áreket ortalyǵy bolýǵa, adamdar boıyndaǵy eń qundy kásibı qasıetterdi taba bilýge, ár jumyskerdiń jeke basy úshin de, jalpy kompanııa maqsattary úshin de bilim-biliktiligin jete paıdalanýyna múmkindik týǵyzýǵa tıis Álbette, TMD elderinen kelgen áriptesterdiń eńbegimizdi baǵalaýy jáne mundaı bedeldi nagrada – bizdiń kompanııanyń ulanǵaıyr ujymynyń eńbegi, asa joǵary nátıjelerge qol jetkizýi dep bilý kerek. Biz eshkimge uqsamaıtyn biregeı tájirıbe jınadyq jáne ol halyqaralyq deńgeıde laıyqty baǵasyn aldy. Ujymnyń mereıtoıynda «qazsınktikter» úshin óte jaqsy syı boldy».
Erekshe atap óterligi, «Qazsınk» bul qurmetti marapatqa óziniń jıyrma jyldyǵynda ıe bolyp otyr.
Azamat QASYM,
«Egemen Qazaqstan»
О́SKEMEN