«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 101-baby 4-tarmaǵyna sáıkes 2017 jylǵy 29 qazanda respýblıkanyń 15 óńirinde 105 saılaý okrýginde máslıhattardyń shyǵyp qalǵan depýtattarynyń ornyna saılaý ótti, dep habarlaıdy QR Ortalyq saılaý komıssııasynyń baspasóz qyzmeti.
Saılaý naýqany barysynda depýtattyq mandattarǵa úmitker retinde barlyǵy 370 azamat usynyldy.
Barlyq qajetti rásimder ótkizilgennen keıin okrýgtik saılaý komıssııalary oblystyq, qalalyq, aýdandyq máslıhattar depýtattyǵyna 335 kandıdatty tirkedi.
Depýtattyqqa tirkelgen kandıdattardyń deklarasııadaǵy kúmándi málimetterine baılanysty 14 adam tirkeýden alynyp tastaldy.
Tirkeý rásiminen keıin máslıhat depýtattyǵyna 23 kandıdat óz ótinishi boıynsha kandıdatýralaryn alyp tastady.
29 qazanda saılaý bıýlletenderine máslıhattar depýtattyǵyna 298 kandıdattyń tegi engizildi.
Ortasha básekelestik bir depýtattyq mandatqa 2,84 kandıdatty qurady. Daýys berý 612 saılaý ýchaskesinde ótti. Aýmaqtyq saılaý komıssııalarynyń aldyn ala derekteri boıynsha saılaýshylar tizimderine barlyǵy 722 709 saılaýshy engizildi. Saılaý bıýlletenderin alǵan saılaýshylardyń sany - 519 139 adam. Osylaısha, qosymsha saılaýǵa kelý kórsetkishi 71,8 %-dy qurady. Daýys berý barysyn kandıdattardyń senim bildirgen adamdary, saıası partııalardyń, qoǵamdyq birlestikterdiń ókilderi, jalpy sany 1609 baıqaýshy jáne BAQ-tyń 133 ókili baıqady.
Respýblıka boıynsha oblystyq máslıhattarǵa 22 depýtat, qalalyq máslıhattarǵa 19 depýtat jáne aýdandyq máslıhattarǵa 64 depýtat saılandy. Saılanǵan máslıhattar depýtattarynyń 102 - «Nur Otan» partııasynyń, 1 - «Aýyl» partııasynyń, 1 - QHKP partııasynyń músheleri, 1- partııada joq.
Saılanǵan máslıhattar depýtattarynyń quramynda 82 (78,1 %) er adam jáne 23 (21,9 %) áıel adam. Áıel depýtattardyń kópshilik sany Qostanaı oblysynda (6 depýtat) saılanǵan. Aqmola, Jambyl oblystarynda áıelder máslıhattar depýtattyǵyna usynylmaǵan.
Saılanǵan máslıhattar depýtattarynyń ortasha jasy 43,9; onyń ishinde:
oblystyq máslıhattarda - 48 jas;
qalalyq máslıhattarda - 43,2 jas;
aýdandyq máslıhattarda - 40,6jas.
Máslıhattyń eń jas depýtaty 24-te. Ol Almaty oblysy, Eskeldi aýdandyq máslıhatynyń depýtaty bolyp saılandy.
Bilimderi boıynsha depýtattardyń kópshiligi dárigerler, ınjenerler, ekonomıster, muǵalimder, jumys toptary boıynsha - memlekettik mekemelerdiń, kommersııalyq qurylymdardyń, saıası partııalardyń jáne ÚEU (úkimettik emes uıymdardyń) qyzmetkerleri.
«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 111-babyna sáıkes máslıhattardyń shyǵyp qalǵan depýtattarynyń ornyna saılaý qorytyndylaryn tıisti aýmaqtyq saılaý komıssııalary saılaý ótkizilgen kúnnen bastap bes kún merzimnen keshiktirmeı anyqtaıdy.