Almatydaǵy «HALYK ARENA» muz aıdynynda ótip jatqan hokkeıden Qazaqstan chempıonaty aıasynda «Almaty» hokkeıshileri «Gornıak» klýbyn qabyldady. El birinshiligi aıasyndaǵy matchtardyń alǵashqy kúni almatylyqtar úshin sátti ótti.
Alań qojaıyndary kezdesýdi senimdi bastap, qarsylastarǵa shaıba soǵýǵa birde-bir múmkindik bergen joq. Almatylyq ujym «Gornıak» komandasynyń qaqpasyna tórt birdeı shaıba soqty. Qonaqtar óz kezeginde oıynnyń sońyna deıin esepti teńestirýge tyrysqanymen, nátıje shyqpady. Kezdesý 4:0 esebimen almatylyqtardyń jeńisimen aıaqtaldy.
– Meniń oıymsha, eki oıyn da sátti ótti. Biz qarsylastarymyzdy úlken upaı aıyrmasymen jeńgenimizge qýanyshtymyz. Árıne, óz alańyńda oınaý jeńilirek. Oıyn barysynda jankúıerlerimizdiń qoldaýyn sezdik, olar bizge jiger beredi. Bizdiń oıyndarymyzdy tamashalaýǵa keletin jankúıerlerge alǵysymyzdy bildiremiz, - deıdi"Almaty" HK oıynshysy Maksım Rybalko.
Ekinshi kezdesýdiń alǵashqy sátterinen alań qojaıyndary basymdyq tanytyp, alǵa ozdy. Keıingi kezeńder tepe-teń ótkenimen, úshinshi kezeńde almatylyqtar bir upaı aıyrmasymen jeńiske jetti, esep 4:3. Osylaısha, «Almaty» komandasy eki kezdesýde de basymdyq tanytyp, «Gornıak» hokkeıshilerin eki márte tize búktirdi.
Arman OKTIаBR,
«Egemen Qazaqstan»
Almaty