Astanada elektrondy saýda-sattyqta «Saparjaı-Astana» JShS 1 mlrd teńgege satyldy.
QR Qarjy mınıstrligi Memlekettik menshik jáne jekeshelendirý komıtetiniń Memlekettik múlik tiziliminiń veb-portalynda «Saparjaı-Astana» JShS 100% aksııasyn satý boıynsha saýda boldy.
Onyń satýshysy «Astana» áleýmettik-kásipkerlik korporasııasy» Ulttyq kompanııasy» AQ boldy. Saýdany júrgizý formasy - baǵanyń ósimine aýksıon uıymdastyrý. Oǵan sáıkes bastapqy baǵa burynnan belgilengen kezeń boıynsha artyp otyrady da, eń joǵarǵy baǵany usynǵan tulǵa jeńimpaz atanady.