Bir top otandyq tilshiler «Qazaqstandyq BAQ-tardyń BUU Qaýipsizdik Keńesi jumysyn jarııa etýdegi áleýetin kúsheıtý» jobasy aıasynda BUU-nyń Nıý-Iork qalasyndaǵy shtab-páterine baryp, eńseli uıymnyń jumysymen tanysyp qaıtty. Bes kúndik semınardy Qazaqstannyń Syrtqy ister mınıstrligi BUU Hatshylyǵy men BUU Damý baǵdarlamasymen birlesip uıymdastyrdy.
Jobanyń negizgi maqsaty – elimizdiń 2017-2018 jyldardaǵy BUU Qaýipsizdik Keńesine turaqty emes músheligin, keler jylǵy qańtardaǵy osy uıymda tóraǵalyq etýin qeńinen jarııalaýdy qamtamasyz etý. Saparǵa shyǵar aldynda jýrnalıstermen kezdesý ótkizgen Syrtqy ister mınıstri Qaırat Ábdirahmanov Qazaqstannyń Qaýipsizdik Keńesindegi maqsattary men mindetterin túsindirip berdi.
«Prezıdent Nursultan Nazarbaev halyqaralyq qaýipsizdikti nyǵaıtý, turaqty damýdy qamtamasyz etý jáne Ortalyq Azııanyń múddelerin ilgeriletýde aýqymdy maqsattar belgilegen bolatyn. BUU Qaýipsizdik Keńesine múshelik Qazaqstannyń jahandyq úderisterge qatysýy, elimizdiń bitimgershilik áleýetin arttyrý jáne dıplomatııalyq qyzmetiniń kásibı deńgeıin kóterý úshin biregeı múmkindik bolyp tabylady. Buqaralyq aqparat quraldarynyń osy jobaǵa belsene qatysýy, eń aldymen, Qazaqstannyń Qaýipsizdik Keńesindegi jumysy týraly ýaqtyly jáne jan-jaqty aqparat berý turǵysynan mańyzdy», dedi Q. Ábdirahmanov.
Sapar barysynda jýrnalıster BUU Qaýipsizdik Keńesiniń jumysymen, Qazaqstannyń atalǵan organǵa turaqty emes múshe retindegi qyzmetiniń basymdyqtarymen, sondaı-aq 2018 jylǵy qańtarda BUU Qaýipsizdik Keńesindegi tóraǵalyǵynyń josparlarymen tanysty. Tilshiler BUU Qaýipsizdik Keńesiniń otyrystary men ashyq pikirtalastaryna baryp, brıfıng, semınar, master-klass jáne dıplomattar men BUU-da turaqty túrde tirkelgen sheteldik jýrnalıstermen beıresmı kezdesýlerge qatysty.
Jobaǵa «Egemen Qazaqstan», «Kazahstanskaıa pravda», «Túrkistan», «The Astana Times» gazetteriniń, «Qazaqstan», «Habar», «KTK» telearnalarynyń, «QazAqparat», «Tengrinews.kz» «Zakon.kz» aqparat agenttikteriniń tilshileri qatysty.