Kadr daıarlaý sapasyn arttyrý kerek

Memlekettik qoldaýdyń bir baǵyty – bilikti kadrlarmen qamsyzdandyrý. Bilim berý sala­­syn­daǵy memlekettik saıasat ekono­mıkany ártaraptan­dyrý men ın­dýstrııalandyrý­dyń qysqa jáne uzaq merzimdi mindet­­terin sheshetin kadrlar daıarlaý­ǵa baǵyttalǵan. Sondaı-aq ekono­mıkanyń óńdeý salasy mamandaryn daıyndaý isi alǵa tartylǵan. 

Árıne, bilikti mamandar daıar­laý isi kadrlar biliktiligin art­ty­­ryp, sapaly deńgeıge kótere­tin oqý oryndary men ozyq baǵ­­darlamalarǵa baıla­nys­ty. Bul mindetti sheshý isi bilim berý jáne oqytý baǵdarla­ma­­laryn jetildirýmen qatar, oqý oryndarynyń materıal­dyq-teh­nıkalyq bazasyn jaqsartý­dy talap etedi. Agrarlyq sektor da osy talaptyń údesinen shyǵýǵa talpynyp otyr. Prezıdenttiń 2017 jyldyń 14 aqpanyndaǵy Jar­lyǵymen bekitilgen agro­óner­kásiptik keshendi damytý jónindegi memlekettik baǵdar­lamada da osy salanyń oqý oryn­daryn odan ári jaqsartý qajettigi atalyp ótken. Osy qujatta Elbasy ǵylym, bilim jáne óndiristiń ıntegrasııa­syn qamtamasyz etý úshin Astana­daǵy Sáken Seıfýllın atyn­daǵy Qazaq agrotehnıkalyq ýnıver­sıtetiniń bazasynda Agroónerkásip kesheni salasynda zertteý ýnıversıtetin qurý jóninde tapsyrma bergen bolatyn. Osy mindetti oryndaý úshin atalmysh oqý ornynyń materıaldyq-tehnıkalyq bazasyn nyǵaıtý qajettigi týyndaýda. Onyń baǵdarlamasy jasalyp, iske asyrylýy úshin respýblıkalyq bıýdjetten 2018 jylǵa 223 mln teńge bólý qajet bolyp otyr. Bul qara­jat ǵy­lymı-zertteý zerthanalaryn qa­jetti jaraqtarmen qamtama­syz etý máselesin de sheshedi.

О́kinishke qaraı osy soma Aýyl sharýashylyǵy mınıstr­liginiń 2018 jylǵa arnalǵan bıýdjettik suranymynda oryn almaǵan. Sol máseleni she­ship, kelesi jyldyń bıýdjettik suranymyna engizýdi ótinip biz Premer-Mınıstrdiń orynbasary – Aýyl sharýashylyǵy mınıstri Asqar Myrzahmetovtiń atyna depýtattyq saýal jol­dadyq. Másele oń sheshimin tabar degen úmittemiz. 

Jambyl AHMETBEKOV,

Májilis depýtaty