Ońtústik Qazaqstan oblysynyń ákimi Janseıit Túımebaev óńirdegi iri jobalarǵa ınvestısııa salýǵa nıet bildirgen Germanııa men Gollandııa elderinen kelgen ınvestorlarmen kezdesti, dep habarlaıdy OQO ákimdiginiń baspasóz qyzmeti.
Kezdesýde sheteldik kásipkerlerdiń jobasymen tanysqan oblys basshysy aımaqtyń ekonomıkalyq áleýetin baıandap, ınvestorlarǵa memleket tarapynan kórsetiletin jeńildikterdi atap ótti.
«Úsh mıllıonǵa jýyq halqy bar óńir úshin bul joba óte qajet jáne óte tıimdi. Sebebi, biz elektr energııasynyń 65 paıyzyn syrttan tasymaldap otyrmyz. О́ńir turǵyndarynyń qajettiligi jaz aılarynda 350-370 MVt bolsa, qys mezgilinde 450-480 MVt elektr energııasyn tutynady. Sondyqtan da biz qajettilikti ózimizde óndirý úshin osyndaı jobalardy júzege asyrýymyz qajet. О́ńirdiń tabıǵaty kún sáýlesinen elektr jaryǵyn óndirýge óte qolaıly», - dedi ákim.
Maqtaaral aýdanynda eki kún elektr stansasy men asfalt-beton zaýytyn salýdy qolǵa alyp jatqanyn aıtqan sheteldik kásipkerler jergilikti bılik tıisti qujattardy rásimdeýde qolaıly jaǵdaı jasaǵanyn jetkizdi.
Al kún elektr stansasy jobasyna germanııalyq NwComp Solar GmbH kompanııasy 7 mln evro ınvestısııa quıyp otyrǵanyn jetkizgen «Kompanııa KADI» JShS-nyń bas dırektory Murat Davreshov kompanııa Qazaqstanda birqatar jobalardy júzege asyrǵanyn málim etti.
Jetisaı qalasynyń qoqys polıgony aýmaǵynda salynatyn elektr stansasynyń qýattylyǵy – 4,8 MVt. Búgingi tańda ruqsat berý qujattamalary ázirlenip, qurylys jumystary osy jyldyń qarasha aıynda bastalady dep josparlanýda.
Ekinshi jobanyń ınvestory – gollandııalyq VTK Investments B.V kompanııasy. Aýdannan 100 MVt kún elektr stansasyn salý boıynsha eki jaqty memorandýmǵa qol qoıylǵan bolsa, búginde 300 ga jer bólý úshin tıisti jumystar júrgizilýde. Joba quny – 150 mln evro.
Búgingi tańda ınvestor Taılan Karamanlı osyndaı jobany Aqmola oblysynda da júzege asyrýda.