Qazaq memlekettik qyzdar pedagogıkalyq ýnıversıtetinde birinshi kýrs jetkinshekterin stýdent qataryna qabyldaý saltanaty ótti.
Taǵylymdy tárbıe men óristi bilimniń irgeli ordasy atanǵan, kópshilik qaýym «izettilik pen úlgi-ónege otaýy» dep at qoıyp, aıdar taqqan Qyzdar ýnıversıteti 75 jylǵa jýyq ýaqyt merziminde Qazaqstanda pedagogıkalyq kadrlar daıyndaýǵa súbeli úles qosyp kele jatqan ulaǵat uıasy.
Bıylǵy oqý jylynda bilim ordasyna 43 mamandyq boıynsha 1633 stýdent qabyldandy. Olardyń 547-i memlekettik bilim berý grantynyń ıegerleri.
Dástúrli sharaǵa ýnıversıtettiń professor-oqytýshylary men esimi elge belgili túlekteri qatysty.
– Qosh keldińizder, qurmetti 1-kýrs stýdentteri! HHI ǵasyr – jańalyǵy jelmen jarysqan, oı órisi ǵaryshpen talasqan bilimdi jastardyń ǵasyry. Sizder úshin ómirdiń jańa paraqtary ashylǵaly otyr. «Bilim» atty ǵajap álemniń syrlaryn boıǵa darytý úshin eren eńbek etip, zerek te zeıindi, alǵyr da tapqyr, bilgir de bilikti bolatyndaryńyzǵa kámil senimdemiz. Qazaqstandaǵy kóshbasshy oqý ornyna túsýlerińizben shyn júrekten quttyqtaımyn, bilim alý jolyndaǵy saparlaryńyz sátti bolsyn! – dedi saltanatty jıynda sóz alǵan ýnıversıtet basshylary.
Sonymen qatar, kesh barysynda pedagogıkalyq oqý ornynyń qoǵamdyq ómirine belsene atsalysyp júrgen bir top stýdentke arnaıy Alǵys hat tabystaldy.
О́z kezeginde birinshi kýrs bilimgerleri Qyzdar ýnıversıtetiniń stýdenti degen atqa laıyqty bolýǵa ant berip, sımvoldyq «Stýdenttik bıletke» ıe boldy. Qabyldaý keshiniń sońy oqý ornynyń ónerli jastarynyń merekelik konsertine ulasty.
Osy oraıda aıta keteıik, búginde ýnıversıtettiń 6 fakýltetindegi 43 bakalavr mamandyq boıynsha, magıstratýrada 23 mamandyq boıynsha, 4 PhD mamandyǵy boıynsha 9 myńǵa jýyq stýdent, magıstrler men doktoranttar bilim alýda. Olarǵa 55 ǵylym doktory, 230-dan astam ǵylym kandıdaty men 90-ǵa jýyq ǵylym magıstri dáris beredi. 22 ustaz «Joǵary oqý ornynyń úzdik oqytýshysy» memlekettik grantynyń ıegeri.