Seriktesterin senimdi qyzmetpen qamtyǵan

Elimizdiń batysyndaǵy Aqsaı qalasynda 1997 jyly qurylǵan kásiporyn kadrlaryn tek qana jergilikti turǵyndardan tańdaǵan. «Biz mamandarymyzdyń bilimin únemi jetildirip, áleýmettik ahýaldaryna barynsha qoldaý bildirip otyramyz. Jumysymyzdyń ilgeri jyljyp, úlken tabystarǵa jetip, belesterdi baǵyndyrýymyzdyń da basty sebebi – osy», deıdi JShS dırektory Baýyrjan Júsipov.

Byltyr qańtarda KSS kom­panııasy halyqtyq IPO ót­kiz­di, sonyń nátıjesinde kom­pa­nııa­nyń 100 paıyz menshik ıe­le­ri kásiporynnyń barlyq ju­mys­­shylary boldy. Osylaısha kom­panııa aksııalaryn ıelený ar­qyly olar damý men ósimnen tabys tabady. Sondaı-aq negizgi aksııalaryn satyp ala otyryp, eldegi tabıǵı baılyqtar men ınfraqurylymdy paıdalanýǵa ózderiniń qatystylyǵyn sezinedi. 

«Karachaganak Support Services» JShS usynatyn qyz­metterdiń negizgi túrlerin aı­ta ketsek, birinshi – rezervý­ar­lar men jabdyqtardy avto­mat­tan­dyrylǵan tazalaý. Ekin­shi – m­unaı qaldyqtary men mu­naı­­ly sýlardy qaıta jasap shy­ǵa­rý; úshinshi – qonaqúı qyz­met­teri; tórtinshi – qoǵamdyq ta­maqtandyrý; besinshi – kólik qyz­metteri; altynshy – materı­al­dar jetkizilimi jáne mamandar usyný. Osylardyń qaı-qaı­sysynda da mekeme sapa men jaýapkershilikke asa qatty mán bergen. 

«KSS kompanııasy ISO 9001:2000 sapa júıesin halyq­ara­lyq sertıfıkattaýdan, ISO 14001:2004 ekologııalyq mened­jmentin, OHSAS 18001:2007 qaýipsizdik jáne ká­si­bı den­saý­lyq menedjmenti júıe­sin, ISO 22000:2005 taǵam óni­mi­niń jáne azyq-túliktiń qaý­ip­­siz­dik salasyndaǵy menedj­me­nt júıesin sertıfıkattaý­dan ót­ti», deıdi kompanııa bas­shy­sy. Sondaı-aq CHESM baǵa­laý ná­tıjeleri boıynsha «Te­ńiz­shevroıl» qazaqstandyq ká­sip­orynǵa «A» joǵary balyn bergen.  

Kásiporyn sońǵy jıyrma jyl boıy sapasy men kásibı isin únemi arttyra otyryp, ta­bys­­ty damyp keledi. Biregeı je­­­tistikteri men ilkimdi isterine tu­­ty­nýshylary rıza. Aıtalyq «KSS» kompanııasy óz qyzmetin álem­ge tanymal úsh munaı-gaz ken or­nynda júzege asyrady. Olar – «Teńizshevroıl» munaı ken orny, «NCOC» Qashaǵan munaı ken orny jáne «KPO» Qarashyǵanaq munaı-gaz ken orny. «Bıylǵy 10 qańtarda «Teńizshevroıl» kompanııasy men «Karachaganak SupportServices» JShS arasynda KSS mobıldi zaýytynda rezervýarlardan munaı qaldyqtaryn shyǵaryp alý arqyly rezervýarlardy avtomattandyrylǵan tazalaý jáne munaı qaldyqtaryn keıingi qaıta óńdep shyǵarý boıynsha qyzmetter usyný keli­sim­shartyna qol qoıylǵanyn aı­ryqsha atap ótýge bolady. Bul oqı­ǵa kásiporyn damýyna serpin be­rip, isimizge senimdiligimizdi art­tyra tústi», deıdi Baýyrjan Jú­sipov. Al TShO kompanııasy jyl sońyna deıin úsh rezervýar tazalaýdy josparlap qoıǵan.  Rezervýarlardy tazalaýǵa qatys­ty negizgi másele kú­ki­rt­ti sýtektiń kóterińki qura­myn­da, janý shógindiniń bolýynda, sý men qatqyl jaýyn-shashyndardyń qatysýynda jatyr. KSS kompa­nııasy rezervýarlar taza­laý jumystaryn 1 sáýirde bas­tap, 18 maýsymda aıaqtap úl­gergen. «Rezervýarlardy taza­laý­dyń birinshi kezeńinde qat­qyl jaýyn-shashyndardy kót­e­rý úshin rezervýardyń ishin­de munaı qaldyqtaryn buraý ar­qyly Ulybrıtanııada ónd­i­rilgen «Tanksweep» ja­byq avtomattandyrylǵan júıe­sin qol­dandyq. Ekinshi keze­ńi­nde «Manway Cannon» avto­mat­­tan­dyrylǵan júıesin paı­da­la­nyp, rezervýarlardyń qa­byr­ǵalarynan janý shógin­di­le­rin joıý arqyly sońǵy tazalaý men gaz-aýa ortasynan kúkirtti sý­tekti joıý júzege asyryldy», deı­di kásiporyn basshylyǵy. Budan ári qaraı munaı qaldyǵy AQSh-ta óndirilgen «OCSS-50» mobıldi zaýytynda qaıta jań­ǵyrtýǵa jiberilgen. Qaıta ja­sap shyǵarý nátıjesinde 87 paıyz munaı taýary, 10 paıyz teh­nıkalyq sý jáne 3 paıyz qat­qyl jaýyn-shashyndar alynyp, kádege jaratýǵa berildi.

«Bıylǵy úsh rezervýardy taza­laý maýsymy TShO kes­te­sine sáı­kes kúrdeli jóndeý bas­tal­ǵanǵa deıin úsh aı ótisimen aıaq­taldy.  

Munaı rezervýarlaryn tazalaý jáne munaı qaldyqtaryn qaı­ta óńdep shyǵarý boıynsha atal­mysh jumystar qaıtalama shı­kizat alý arqyly qaýipsiz já­ne merziminde, qorshaǵan orta­ǵa zııansyz jáne eń bas­tysy, tuıyq keńistikke adamnyń qol jetimdiliginsiz asa tıimdi at­qaryldy», deıdi kompa­nııa dırektory Baýyrjan Júsi­pov. Rezervýarlardy tazalaý ju­mys­taryn júrgizgen KSS kom­pa­nııasynyń mamanda­ry 100 paı­yz jergilikti qyz­met­ker­ler. Bul ju­mysshylar AQSh pen Ulyb­rı­tanııada daıyndalǵan jab­dyq­tarda jumys isteý boıynsha oqytýdan ótip, joǵary synypty sertıfıkattalǵan mamandar.  

Ashat RAIQUL, «Egemen Qazaqstan»