Memleket basshysynyń atyna Semeı qalasynyń oqytýshylary men stýdentterinen hat kelip tústi

Hat ıeleri: «Bıylǵy oqý jyly­nyń basynda bir top stýdentter men oqytýshylar Qazaqstan Respýb­lı­kasynyń Tuńǵysh Prezıdenti – Elbasy kitaphanasyna bardyq. Álem­dik tulǵa tarıhynyń syrsan­dyǵyn ashyp, ǵajaıyp álem­ge engendeı boldyq. Sol sapar­dyń áserimen Sizge osy hatty jol­dap otyrmyz», – dep jazǵan.  

Stýdent jastar Qazaqstan Prezı­den­tiniń elordany Astanaǵa kóshirý jónindegi ıdeıasynyń aqtalǵanyna erek­she toqtalyp, sol qadam úshin keý­delerin maqtanysh sezimi kerneıtinin atap ótken.

Osy oraıda olar: «Esińizde me?.. 1997 jyldar... kúni keshe táýel­siz­digimizdiń tumaryna aınalǵan Asta­na­nyń kóshi el kóńilin alaı-dúleı etip edi... Sol mezette el erteńi úshin To­laǵaıdaı arqańyzǵa art­qan aýyr júktiń salmaǵyn biz, bálkı, sózben bere almas­pyz. Biraq, sezinemiz! Yz­ǵar­ly Sa­ryarqanyń úskiriginen ımen­beı, sardalaǵa kósh basta­ǵan Siz de, Siz­ge senim artyp kósh jalǵaǵan El de jú­rekti eken. «El júregi jer orta­syn­da bolýy kerek» degen ha­lyq naqylyn endi ǵana túsin­gen­deımiz», – dep jazǵan.

Sondaı-aq Shákárim atyn­daǵy ýnı­ver­sıtettiń oqytýshy­lary men stýdentteri qazaq tilin latyn qarpine negizdelgen álip­bıge kóshirý týraly she­shimge qoldaý bildiretinderin aıtqan. Buǵan qatysty semeı­lik­ter: «Jarlyǵyńyz jastarǵa jan qýantar syı boldy. Biz kúni erteń latyn grafıkasy hal­qy­myzdyń ómiriniń bir bólshegine aınalatynyna kámil senemiz. Aqylmany meıirimdi bolǵan jur­tymyzdyń Ataqazaǵy ózińizsiz!», – dep atap ótilgen.

Ystyq lebizin hatpen jol­da­ǵan­dar: Semeı qalasynyń Sháká­rim atyndaǵy memlekettik ýnı­ver­sı­te­ti­niń oqytýshylary Q.Áýbákirova já­ne A.Júndibaeva, stýdentteri A.Qa­dyr­­baeva, B.Seriktaı, G.Quralbe­kova, R.Beısembekova, A.Smaǵulov, D.Jol­dy­balınov, E.Omarǵalı, Á.Ábdeshova, A.Ken­jeǵajıeva, I.Túspekova, K.Aqpa­rova, E.Qaldybaev, N.Beısem­baeva, T.Aqparshaıh, D.Turǵa­lıeva, A.Maq­sutbek, R.О́mirbaev, A.Jeńis­qazın, G.Jakına, E.Qurmanǵajy, E.Jas­baev, A.Kalınkın, A.О́mirbaeva, M.Qa­ıyrbekov jáne M.Ýrdasheva.