Parlament Májilisi «Alataý qalasynyń arnaýly quqyqtyq rejımi týraly» konstıtýsııalyq zańdy ekinshi oqylymda qabyldady, bul elimizdiń ýrbanızasııa jáne ınvestısııalyq saıasatynda jańa kezeńniń bastalǵanyn bildiredi. Alataý qalasy – derbes basqarý men Smart City modeli boıynsha jańa mártebege ıe bolady, dep jazady Egemen.kz.
Qujatqa sáıkes, basqarý modeli ákimshilik basqarý men strategııalyq damýdy bólýdi kózdeıdi. Bul úderiste basty róldi Alatau City Authority atqarady – ol Úkimet quramyna kirmeıtin, biraq Premer-mınıstr tóraǵalyq etetin Keńeske esep beretin memlekettik qor nysanyndaǵy ortalyq memlekettik organ. Sonymen qatar, máslıhat pen ákimdik qalanyń kúndelikti tirshiligin qamtamasyz etý fýnksııalaryn saqtaıdy.
Zań «Digital by default» («Avtomatty sıfrlyq») qaǵıdatyn engizip, qalany jasandy ıntellekt tehnologııalaryn keńinen qoldanatyn tolyqqandy Smart City retinde damytýdy bekitedi.
Qasym-Jomart Toqaev: Alataý qalasy jańa ınvestısııalyq kezeńniń negizgi jobasy bolýǵa tıis
Bir blok qalanyń derbes qarjylyq-salyqtyq modelin qalyptastyrýǵa baǵyttalǵan. Alataý aýmaǵynda arnaıy salyqtyq normalar basym bolady, sondaı-aq 2050 jylǵa deıin nemese qarjylyq ózin-ózi qamtamasyz etý deńgeıine jetkenge deıin respýblıkalyq jáne basqa bıýdjetterden qarajat alýǵa tyıym salynady. Jergilikti bıýdjet pen memlekettik qor bıýdjetin biriktiretin shoǵyrlandyrylǵan bıýdjet engizilip, uzaq merzimdi damý jobalary tolyq qarjylandyrylady.
Májilistiń málimetinshe, salyqtyq jeńildikter jańa ınvestısııalyq jobalarǵa ashyqtyq pen mindettemelerdi jarııa túrde ashý sharttarymen beriledi. Sondaı-aq halyqaralyq standarttardy qoldaný, lısenzııalaýdy jedeldetý jáne bıznes úshin arnaıy jaǵdaılar jasaý múmkindigi qarastyrylǵan ınnovasııalyq rejım engiziledi.
Investısııalyq saıasattyń negizgi quraly Alataýdyń jer qory bolady. Jer ýchaskeleri rezıdentterge naqty jobalarǵa lısenzııalar nemese sharttar negizinde beriledi, bul jerdi ekonomıkalyq aınalymǵa tartýǵa múmkindik beredi.
Alataý qalasyn damytý jónindegi keńestiń otyrysy ótti
Qalanyń damýy uzaq merzimdi josparlaý qujattary negizinde júzege asady.
Zań ınvestısııalardy qorǵaýdy, kemsitýsiz tásildi jáne ınvestorlarǵa AHQO sottary men halyqaralyq arbıtraj arasynda tańdaý múmkindigin kepildik etedi. Bul jańa mártebe Alataýdy ınnovasııalyq damýdyń ortalyǵy jáne ınvestısııalyq tartymdy qala retinde qalyptastyrýǵa múmkindik beredi.
Astana men Alataý qalasynyń mártebesi arnaıy konstıtýsııalyq zańdarmen bekitiledi