Memleket basshysy Qasym-Jomart Toqaev sybaılas jemqorlyqpen kúresti memlekettik saıasattyń basty basymdyqtarynyń biri retinde aıqyndap keledi. 2026 jylǵy 26 naýryzda Fransııanyń Strasbýrg qalasynda ótken Eýropa Keńesiniń GRECO (Sybaılas jemqorlyqqa qarsy kúres jónindegi memleketter toby) 102-shi plenarlyq otyrysynda Qazaqstan Respýblıkasy Memlekettik qyzmet isteri agenttigi elimizdegi sybaılas jemqorlyqqa qarsy saıasattyń iske asý barysyn tanystyrdy. Eýropa Keńesimen qurylǵan GRECO uıymyna 51 memleket múshelik etedi, al Qazaqstan Respýblıkasy atalǵan uıymnyń tolyqqandy múshesi bolyp sanalady, dep habarlaıdy Egemen.kz.
Plenarlyq otyrysta Agenttik tóraǵasy Darhan Jazyqbaı Qazaqstanda GRECO usynymdarynyń oryndalý deńgeıi, sybaılas jemqorlyqqa qarsy mádenıetti qalyptastyrý jáne eldegi júıeni jetildirý baǵytyndaǵy keshendi jumystar týraly baıandady.
О́z sózinde ol Prezıdent Qasym-Jomart Toqaevtyń bastamasymen júzege asyrylyp jatqan «Halyq únine qulaq asatyn memleket» tujyrymdamasy aıasyndaǵy aýqymdy ınstıtýsıonaldyq reformalarǵa toqtaldy. Sondaı-aq, elimizde sybaılas jemqorlyqtyń aldyn alýǵa, oǵan tózbeýshilik qaǵıdalaryn ornyqtyrýǵa jáne adaldyq prınsıpin engizýge baǵyttalǵan jańa model kezeń-kezeńimen engizilip jatqanyn atap ótti.
Jemqorlyqpen kúres: Bıýdjetke 100 mln teńgeden astam qarjy qaıtaryldy
Baıandamada qarjylyq tergeýlerdi jetildirý, quqyq qorǵaý organdary arasyndaǵy ókilettikterdi naqty bólý, sondaı-aq sybaılas jemqorlyq quqyq buzýshylyqtardy tergeýde mamandandyrylǵan qurylymdardyń rólin kúsheıtý máseleleri keńinen qamtyldy.
Sonymen qatar, azamattardyń sheshim qabyldaý úderisine qatysý múmkindikterin keńeıtý, ýákilder ınstıtýtyn engizý, qoǵamdyq keńesterdiń áleýetin arttyrý jáne qoǵamdyq baqylaý tetikterin zańnamalyq turǵyda bekitý baǵytyndaǵy sharalar baıandaldy. Parlament qaraýyna engizilgen birqatar zań jobasyna erekshe nazar aýdaryldy.
Qazirgi ýaqytta elimizde sybaılas jemqorlyqqa qarsy saıasatty jetildirý ulttyq erekshelikter men halyqaralyq standarttardyń úılesimine negizdelip, negizgi basymdyqtardyń biri retinde aıqyndalyp otyr.
Shyǵys Qazaqstanda eki vedomstvonyń laýazymdy tulǵalary jemqorlyqpen ustaldy
GRECO is-sharasy aıasynda Darhan Jazyqbaı Eýropa Keńesiniń Adam quqyqtary jáne quqyq ústemdigi jónindegi Bas dırektory Djanlýka Espozıto jáne GRECO Bıýrosynyń múshesi, Kıpr delegasııasynyń basshysy Aleksıa Kalısperamen kezdesti. Kezdesýler barysynda sybaılas jemqorlyqqa qarsy saıasatty damytý, GRECO usynymdaryn oryndaý barysyndaǵy tıimdi tájirıbe almasý jáne halyqaralyq yntymaqtastyqty nyǵaıtý máseleleri talqylandy.