Sońǵy bes jylda oblys ortalyǵynda jańajyldyq shyrshany ornatyp, bezendirýge 100 mıllıonǵa jýyq teńge baǵyttalyp, qumǵa sińgen sý sııaqty iz-túzsiz ketipti. Al aýdandar men eldi mekenderde jumsalǵan shyǵyndardy esepteıtin bolsaq, qaıtarymy joq qarajattyń eselene túseri anyq.
Oblystyq ákimdiktiń kezekti otyrysynda aımaq basshysy Qumar Aqsaqalov bıýdjet qarajatyn shúlen taratqandaı ońdy-soldy shashý «tájirıbesin» toqtatýdy kesip aıtty. Jylda shyrshalar men shamdardy jańalaǵansha burynǵylaryn nege paıdalanbasqa?
Muz qalashyqtaryn salýǵa qaltaly azamattardy, kásipkerlerdi tartýǵa bolady deı kelip Qumar Irgebaıuly jergilikti qazyna qarjysy birinshi kezekti qalalar men aýyldardy abattandyrýǵa, joldardy jóndep, qalpyna keltirýge, aýyz sý jetkizýge, bir sózben aıtqanda, turǵyndardyń muqtajdaryna, áleýmettik máselelerge baǵyttalatynyn jetkizdi.
Petropavl qalasynda jańajyldyq shyrsha men kóshelerdi áshekeıleý úshin 2015 jyly 24 mıllıon teńge bólinip, rekordtyq kórsetkishti quraǵany belgili.
О́mir ESQALI,
«Egemen Qazaqstan»
Soltústik Qazaqstan oblysy