…oı bólisedi
Rýhymyz máńgi saqtalýy tıisElbasy Nursultan Nazarbaev elimizdiń bolashaq baǵdaryn aıqyndap bergen. Maqsat aıqyn, baǵytymyz belgili, ol ozyq eldiń qatarynda bolý. Bul iste sanamyz isimizden alda júrýi tıis. Iаǵnı rýhanı salaǵa salmaq salatyn ýaqyt keldi.
Demek, jańǵyrý – eldiń ulttyq-rýhanı tamyrlarynan nár alý. Osy rýhanı qundylyqtar negizinde básekege qabiletti jeke adamnyń tirligi ǵana emes, halyq bolyp básekege túsip, odan ozyp álem elderi arasynan laıyqty ornymyzdy alý. Osy maqsatta jahandyq naryqta utymdy dúnıemizdi usynyp, tek materıaldyq qundylyq qana emes, bilim, qyzmet, ǵylym, zııatkerlik ónimge de zer salýymyz qajet. Keleshegimiz tabıǵı baılyǵymyzǵa ǵana emes, adamdardyń básekelestik qabiletine de baılanysty ekenin esten shyǵarmaǵanymyz jón. Ár eldiń ǵasyrlar boıy qalyptasqan, qoǵam qabyldaǵan, halyq boıyna sińirgen baı rýhanı qundylyqtary bar. Osy jalpy ulttyq rýhymyz boıymyzda máńgi saqtalýy tıis. Sonymen birge jańǵyrý degenimiz jańarý emes pe? Sondyqtan keıbir teris daǵdylardan, ádetterden arylý kerek. Bul josparlardy iske asyratyn, árıne, elin, jerin, halqyn súıetin patrıottar. Jastardy otansúıgishtikke tárbıeleý maqsatynda oqý josparyna «Týǵan jer» baǵdarlamasy engiziledi. Sóıtip «Týǵan jer» baǵdarlamasy jalpy ulttyq patrıotızmniń naǵyz ózegine aınalady.
Qalqaman JAQYP,
A.Baıtursynov atyndaǵy Qostanaı
memlekettik ýnıversıtetiniń professory
...tilegin jetkizedi
Ozyq tájirıbelerdi oqyǵymyz keledi«Egemen Qazaqstan» gazetiniń ustazdarǵa bet bura bastaǵany qýantady. Muǵalimderge arnalǵan «Tálim» betiniń kómegi zor bolǵaly tur. Búginde jedel ózgerister zamany, bir orynda shıyrlap qalýdy ýaqyt keshirmeıdi. Muny Elbasy da óziniń «Bolashaqqa baǵdar: rýhanı jańǵyrý» atty maqalasynda estir janǵa jeterdeı aıtty.
Osyndaı jaǵdaıda ustazdarǵa da ortaq dıalog alańy qajet. «Egemen» aptasyna 5 márte shyǵatyn qazaqtyń bas basylymy. «Tálim» betinen urpaq tárbıeleýdegi sony ádisterdi nasıhattaıtyn, sheteldegi ozyq tájirıbelerdi bizdiń paıdaǵa shyǵaratyn maqalalardy oqyǵymyz keledi. Baıaǵyda Qusıyn Aıtqalıev mektebi, Bátıma Bitibekova mektebi degen bólimmen ustazdar gazetinde, jýrnalynda jaqsy materıaldar beriletin edi. Búgin de álemdegi myqty mektepterdiń negizinde jumys jasap jatqan ustazdar jeterlik. «Egemen» osy jaǵynan kómektesse oqyrmandary da mol bolar edi dep oılaımyz.
Jibek ZIIаBEKOVA,
Q.Sypataev atyndaǵy №7 mekteptiń muǵalimi
Ońtústik Qazaqstan oblysy
...jańalyǵyn bildiredi
Aǵylshynsha úırenip jatyrmyzBúgingi tańda bilim berý ádistemesine ınnovasııalyq tehnologııalar engizilip, bilim berý júıesin jańartý isi jedel qolǵa alynyp jatqany belgili. Osy rette oblys ortalyǵynan shalǵaıda ornalasqan Qaınar aýylynyń ustazdar qaýymy da elimizdiń bilim salasyndaǵy jańashyldyqtardy der kezinde meńgerýge tyrysýda. Bıyl birneshe synyptyń oqýshylary jańartylǵan bilim berý baǵdarlamasy boıynsha oqytylýǵa kóshti. Osyǵan oraı 8 ustazymyz jaz boıy bilim kóterý kýrstaryna qatysty. О́ńirimizde júzege asyrylyp jatqan úsh tildi (qazaq, orys, aǵylshyn) oqytý baǵdarlamasy sheńberinde birneshe muǵalimimiz biliktilikti arttyrý kýrstarynan ótti. Osy kýrstardan ótken qazaq, aǵylshyn jáne orys tili pániniń muǵalimderi qazir mektebimizde ártúrli sharalar uıymdastyryp jatyr. Erekshe atap óter dúnıe, aǵylshyn tili pániniń muǵalimi aptasyna bir ret jaratylystaný, gýmanıtarlyq jáne bastaýysh synyp muǵalimderine aǵylshyn tilin úıretip jatyr.
2019 jyldan bastap jaratylystaný pánderi aǵylshyn tilinde júrgiziledi dep josparlanyp otyr. Osyǵan baılanysty qazir bıologııa pániniń muǵalimi biliktilik kýrsynan ótip jatyr. Jańa tehnologııa men dene shynyqtyrý páni muǵalimderi osyndaı kýrstardan ótip, jańartylǵan bilim júıesi boıynsha jumys isteýde.
Almagúl MANDIEVA,
S.Begalın atyndaǵy orta mektep dırektorynyń
ǵylymı-ádistemelik jumystar jónindegi orynbasary
Shyǵys Qazaqstan oblysy,
Qaınar aýyly
...kómek kútedi
Qadirli meshit tozyp barady1998 jyly Ońtústik Qazaqstan oblysy Saryaǵash aýdany Qurkeles aýylynda meshit ashylyp, qazaqtyń aıboz uly, shyǵys jekpe-jek ónerin elimizge alyp kelgen Mustafa О́ztúriktiń esimi berilgen Alla úıinde jamaǵat búginge deıin qulshylyq etip keledi. Endi mine, ashylǵanyna 20 jylǵa jýyqtaǵan meshitimiz tozyp bitti. Ishi-syrtyn sylap, árlep, áktep, shatyryn sý ótpeıtindeı etip qaıta jabý kerek. Oǵan qosa, aıazdy kúnderi namaz oqyǵanda azynaǵan sýyq qaryp, qart adamdar shydaı almaıdy. Sol sebepti aýyl turǵyndary meshitke jylytý júıesi qaıta júrgizilse deıdi. Meshittiń aınalasyn mal kirmeıtindeı etip qorshap, balalar namaz oqyp-úırenetin arnaıy bólme ashylsyn degendi de tilge tıek etip otyr aýyl halqy. Jańbyrly kúnderi meshitke jetý aýyl turǵyndary úshin muńǵa aınalady. Sebebi asfalt tóselmegen joldyń mı batpaǵy shyǵyp, laısańǵa belsheden batasyń. Aıtarym – Mustafa О́ztúriktiń esimi berilgen kıeli orynǵa kúrdeli jóndeý jumystary qajet. Bul máselege aýyldan shyqqan jekelegen kásipkerler nemese ózge de atymtaı-jomart azamattar qol ushyn sozyp, qoldasa durys bolar edi.
Berik qajy ÁDIEV
...áserin aıtady
Zerdeli keńes óttiAqyl-oı qazynasynyń mekenine aınalǵan kitaphanada rýhanı tárbıeni ulyqtaý, ótkendi búginmen sabaqtastyryp ulttyq qundylyqtardy nasıhattaý barysynda kóptegen jumystar atqarylýda.
Jýyrda S.Báıishev atyndaǵy Aqtóbe oblystyq ámbebap ǵylymı kitaphanasynda Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda «Rýhanı jańǵyrý: kitaphanalyq-aqparattyq keńistikti qalyptastyrý» atty oblystyq zerdeli keńes ótti.
Basqosýdyń maqsaty – mádenı, demalys jáne oıyn-saýyq ortalyǵynyń erejesin talqylaý, aımaqtaǵy kitaphana isiniń strategııalyq baǵyttaryn daıyndaý, bolashaqta biryńǵaı aqparattyq keńistikte yntymaqtasý, is-tájirıbe almasý.
Bolashaqta kitaphananyń máni men kelbeti aqparattyq tehnologııalardyń evolıýsııasyna táýeldi. Al aqparattyq tehnologııalar jetistikteri men kitaphana mıssııasynyń úılesimdi ushtasýy kitaphana mamandaryna tikeleı baılanysty. Osy oraıda oblys kitaphanalaryna ǵylymı-ádistemelik kómek kórsetý baǵytyna arnalǵan «Ádisteme. INFO» kásibı blogynyń tusaýkeseri ótkizilip, 11 aýdandyq kitaphana «Kitaphananyń jarqyn bolashaǵy» atty beınerolıkter usyndy.
Kitaphana dırektory Nesibeli Jumaǵul rýhanı mádenıettiń damýy úshin taǵylymdy tárbıeniń qaınarynan sýsyndap, bıik adamı qundylyqtardyń kemeldený barysynda árbir maman ıesi kásibı qyzmetin joǵary deńgeıde júzege asyrý qajet dep, kitaphanashylarǵa senimin bildirdi.
Quralaı RAIMBAEVA,
S.Báıishev atyndaǵy Aqtóbe oblystyq ámbebap ǵylymı kitaphanasynyń bólim meńgerýshisi