Táýelsizdik qurdastarymen kezdesý

Elimizdiń barlyq aımaqtarynan kelgen Táýel­siz­dik qurdastary «Nur Otannyń» Ortalyq app­a­ra­tynda ótken kezdesýdiń keıipkerlerine aınaldy. Olardyń ishinde jas bolǵanyna qaramastan búginniń ózinde qandaı da bir salada ózin úzdik kórsete alǵan memlekettik marapattardyń ıegerleri, ǵylymı jumystardyń avtorlary, esimi jurtqa tanylǵan sportshylar bar. Kezdesýdiń ashylýynda sóı­legen sózinde partııa Tór­aǵa­sy­nyń birinshi orynbasary Nur­­lan Nyǵmatýlın elimiz jıyrma jyl­da orasan zor jetistikterge qol jetkizgenin aıtyp ótti. «Bú­gingi kezdesýge qatysyp otyrǵan jas­tar­ǵa qarap, biz táýel­­sizdi­gimiz bar­sha qazaqstandyqtarǵa úlken múmkindikter bergenin kó­rip otyr­myz. Sebebi, elimizde jas­tardyń óz áleýetin iske asy­rýyna bar­­lyq jaǵdaılar jasal­ǵan. Bul – eń aldymen, Elba­symyz, «Nur Otan» partııa­sy­nyń Tóraǵasy Nursultan Nazar­baevtyń 20 jyl boıy júrgizip otyrǵan saıasa­ty­nyń arqasynda múmkin bolǵany sózsiz», – dedi partııa Tóraǵa­sy­nyń birinshi orynbasary. Kezdesýge qatysqandardyń ishinde matematıkalyq olımpıa­dalardyń birneshe márte altyn júldegeri Sanjar Orazbaev pen Memleket basshysy Nursultan Nazarbaevtyń qolynan III dá­­­re­jeli «Aıbyn» ordenin alǵan Erbol Otarbaev sııaqty jastar bar. Erbol árqashan Elbasynyń, «Nur Otan» partııasynyń jas­­­tar­ǵa degen qamqorlyǵyn sezinetinin aıta kele, óziniń áskerı qyzmetinde odan da joǵary je­ńisterge jetýge daıyn ekenin aıtty. Mádı Jumabekov kezdesýge qatysýshylardyń biri, 20 ja­­­syn­da-aq ol kúrish óndirýmen aı­nalysatyn sharýa qojaly­ǵy­nyń jetekshisi boldy. Bıyl osy daqyldyń ár gektarynan 50 sent­nerdeı ónim alǵan. Jınalǵandardyń ishinde eli­­mizdiń tanymal sportshylary da bar. Mysaly, kórkem gımnastıka boıynsha halyqaralyq sanat­taǵy sport sheberi, XVI jazǵy Azııa oıyndarynyń chempıony Marına Petrakova jáne sambodan álem jáne Azııa chempıony Dilbar О́miralıeva. Bul qyzdar­dyń 20 jasynda maqtan eter jetistikteri az emes. Sebebi, olar­­­dyń esimderi tek Qazaqstanǵa ǵana emes, búkil álemge tanyl­­­ǵan. Dilbardyń aıtýynsha, ha­­lyq­aralyq týrnırlerge qatys­­qan kezde óz elin, óz Prezıdentin erekshe maqtan etedi. 1991 jyly dúnıege kelgeni ol úshin zor maqtanysh. Qazaqstannyń bo­­­lashaǵy úshin basqalardan kó­birek eńbek etip, úles qosýdy óz maqsatym dep sanaıdy Dilbar. Kezdesý óte qyzyqty ótti. Partııa Tóraǵasynyń birinshi or­­­­ynbasary Nurlan Nyǵma­tý­lın Táýelsizdik qurdastaryna es­­­telik syılyqtar tabys etti. «Egemen-aqparat».