Qurmetti otandastar!
Sizderdi ulttyq merekemiz, bizdiń ortaq tabystarymyz ben jetistikterimizdiń saltanaty – Qazaqstan Respýblıkasynyń Táýelsizdigi kúnimen quttyqtaımyz!
Biz osydan 26 jyl buryn el damýynyń memlekettik egemendik, adamnyń erkindigi, áleýmettik teńdik, qoǵamdyq kelisim men el birligi qaǵıdattaryna negizdelgen jańa tarıhyn bastadyq.
Bul bizdiń myqty ári jaýapty azamattardyń ultyn qalyptastyrý jolymyzdy aldyn ala aıqyndady.
Táýelsizdigimizdiń árbir jyly – elimizdiń damýynyń mańyzdy kezeńi.
О́tken jyl elimiz úshin jemisti ári mańyzdy oqıǵalarǵa toly boldy.
El júregi – Astana «bolashaqtyń energııasy» halyqaralyq sammıtin saltanatty túrde ótkizip, elordanyń jáne EKSPO-2017 kórmesi qonaqtarynyń tańdanysyn týdyrdy, bizge taǵy da elimizdi maqtan tutý baqytyn syılady.
Memleket basshysynyń bastamasymen Qazaqstannyń HHI ǵasyrdaǵy tabysty damýynyń negizi bolyp tabylatyn rýhanı jańǵyrý baǵdarlamasy konstıtýsııalyq jáne ekonomıkalyq ózgeristerdi utymdy tolyqtyrady.
Búgingi tańda barlyq qazaqstandyqtardyń mindeti – bizdiń basty qundylyǵymyz, elimizdiń jetistikteriniń irgetasy – ózge mádenıetterge degen qurmet pen baýyrmaldyqqa negizdelgen el birligi men kelisimdi saqtaý men nyǵaıtý. Qurmetti otandastar!
Sizderdi barshamyz úshin tarıhı tańdaýymyzdyń jarqyn kórinisi – óz taǵdyrymyzdy ózimiz sheshetin, damý jolymyzdy ózimiz tańdaý quqyǵyn tartý etken merekemen quttyqtaımyz!
Sizderge Qazaqstan halqynyń gúldenýi men órkendeýi úshin ıgi bastamalar men sáttilik, izgi úmitter men jańa jetistikter tileımiz.
Qazaqstan halqy Assambleıasynyń Keńesi