Altynǵa balanǵan kúmis

Qazylar Maııa Manezany bas júldeden aıyrdy Parıjde Qazaqstan ulttyq quramasynyń óneri kópshilik kóńilinen shyǵýda. Sársenbige deıin nebári eki sportshymyz ǵana jarys jolyna shyqty. Bul synda ekeýi de jaqsy óner kórsetti. Jeksenbide Zúlfııa Chınshanlo (53 kılo) túr­­­kııa­lyq Aılym Dasdelen men qy­taılyq Djı Djıng­ti jolda qaldyryp, altyn­­­nan alqa ta­­ǵynsa, seısenbide Maııa Mane­­za­nyń (63 kılo) asqan sheberligine tánti boldyq. Jarys qar­­sa­­­ńynda mamandardyń kóbi bul salmaq dáreje­sinde negizgi básekelestik bizdiń Maneza men qytaılyq Hıofang Kıang ara­synda órbıdi degen pikir aıtty. Sonymen birge Reseıdiń Svetlana Sarýkaeva men Marına Shaınovanyń da múmkin­dikteri joǵary baǵa­lan­dy. Osy sportshylarǵa chempıonatta osyn­daı senim artylǵany tegin emes. Maneza – álemniń eki dúrkin chempıony. Kıang – álem chem­pıonatynyń qola júldegeri, Azııa biri­n­shiliginiń jeńimpazy. Sarýkaeva birneshe ret álem chempıonatynda júldeger atandy. Shaınova – Eýropa chempıony. Seısenbi kúni julqyp kóterý jattyǵýy boı­ynsha Svetlana Sarýkaeva aldyna jan sal­mady. Ol 117 kılolyq ziltemirdi tik kóte­rip, álemniń jańa rekordyn jańartty. Hıofang Kıang ekinshi orynǵa taban tiredi. Onyń kórsetkishi – 113 kılo. Maııa Maneza 109 kı­lolyq nátıjemen úshin­shi satyǵa jaıǵasty. Serpe kóterýde qytaı qy­­zynyń joly bol­ma­­dy. Kıang 133 kılony qanaǵat tutty. Marına Shaınova 135 kılomen shekteldi. Sarý­kaevanyń 138 kıloǵa áli jetti. Maneza al­ǵashqyda 139 kılony eńsere almaǵanymen, ekin­­­­shi ret dál osy salmaqty yrqyna ońaı kóndirdi. Bul – keminde qola medal qorjynda degen sóz. Alaıda bul nátıjemen shektelip qalýdy jón kór­­­­me­gen qazaq­standyq ziltemirshi 147 kıloǵa tap­syrys berdi. Osy kezde búkil zal ishteı tyn­dy. Eger Maııa bul salmaqty basynan asyrsa, álemdik rekord tórt kıloǵa jańarady. Bizdiń Maneza táýekelge bel býyp, ziltemirdi moı­nyna deıin jetkizdi de, ony jerge tastaı saldy. Onyń ne sebepti osyndaı áreketke bar­ǵany birden belgili boldy. Ziltemirdiń bir basyna artyq salmaq qosyp jibergen eken. Tepe-teń­­­diktiń saqtalmaýy saldarynan bizdiń sportshy múlt ketti. Sol kezde qazylar ziltemirdiń bir basyna artyq salmaq qosylyp ketkenin baıqama­ǵa­­­nyn aıtyp, Maııany taǵy da ortaǵa shyǵardy. Bul joly otandasymyz rekordtyq salmaqty yrqyna kóndirdi. Biraq, sport keshenine jı­nalǵan dúıim jurt dý qol shapalaqtap, qaısar qyzǵa qurmet kórsetip jatqanda, júrgizýshiniń «bul áreket esepke alynbaıdy» degen ashy da­ýysy estildi. Barlyǵy ań-tań. Jankúıer­­ler­diń qýanyshy sý sepkendeı basyldy. Tóre­­shi­­ler ózderiniń bul sheshimin: «Qazaqstan sport­shysynyń ziltemirdi kóterý barysynda qoly qaıysyp ketti. Sóıtip, ereje buzyldy», – dep túsindirdi. Osylaısha qa­zylardyń qıturqy oıynynyń saldarynan Maneza qolda turǵan altynnan aıyryldy. О́tken jo­ly Zúlfııa Chın­­­­­shalonyń altyn júldeni je­ńip, qurmet tuǵyryna kóterilgende, uıymdas­ty­rýshylar eli­mizdiń eski ánuranyn qoıyp, bári­mizdi tań­ǵal­dyrǵan edi. Endi mine, qazylar jaǵy Qazaq­stan quramasyna taǵy qıturqy áreket jasap, Manezanyń qara termen jeńip alǵan altyn júldesin tartyp alyp otyr. Sóıtip, buǵan deıin álemniń eki dúrkin chempıony atanǵan Maııa Maneza bul joly kúmis medaldy qanaǵat tutty. Onyń kórsetkishi – 248 (109+139) kılo. Al bas júldeni Svetlana Sarýkaeva ıelendi. Reseı qyzynyń nátıjesi – 255 (117+138) kılo. 246 (113+133) kılolyq kórsetkishpen qy­taı­lyq Hıofang Kıang qola medaldy enshiledi. Sársenbi kúni 69 kılo salmaq dáreje­sin­degi Irına Nekrasova men Jazıra Japarqul jarys jolyna shyqty. Aldaǵy kezde de chem­pıonattyń qyzyǵy esh kemimeıdi. О́ıtkeni, baq synaýǵa bel býǵan ataqty aýyr atletterdiń qatary qalyń. Olardyń arasynda Olımpııa oıyndary men álem chempıonattarynda atoı salǵan sańlaqtar da joq emes. Al qazaq­stan­dyq jankúıerler óz kezeginde Anna Nurma­ǵam­betova (63 kg), Svetlana Podobedova (75 kg), Aleksandra Aborneva (+75 kg), Kırıll Pavlov (77 kg), Vladımır Kýznesov (85 kg), Ilıa Ilın (94 kg), Almas О́teshev (94 kg), Sergeı Istomın (105 kg), Vladımır Sedov (105 kg), Dmıtrıı Kaplın (+105 kg) jáne Aleksandr Zaı­chı­kov­tiń (+105 kg) ónerlerin tamashalaıtyn bolady. Dastan KENJALIN.