Jańa mádenı nysan Maqat aýdandyq Dossor kentinde qoldanysqa berildi, dep habarlaıdy Atyraý oblystyq óńirlik kommýnıkasııalar qyzmeti.
Demalys saıabaǵynyń qurylysy Elbasynyń «Rýhanı jańǵyrý» baǵdarlamalyq maqalasy aıasynda júzege asyrylatyn jobalar tizimine endi. Saıabaqty abattandyrý jáne kógaldandyrý birneshe aıǵa sozyldy, ony Qazaqstannyń Táýelsizdik kúni merekesine oraı qoldanysqa berdi. Joba quny jergilikti munaı kompanııasy esebinen 72 mıllıon teńgeni qurady.
- Dossor kenti elimizdegi munaı salasy tarıhynyń bastaýy bolǵandyqtan biz ıgi isten shet qalmadyq. Jergilikti turǵyndar demalatyn oryn bolmaǵandyqtan osyndaı saıabaq salyp, barlyq erejelerge saı abattandyrýdy jón kórdik,- deıdi kompanııa ókili Rashıd Otarov.
Búgingi kúni Atyraý oblysynda «Rýhanı jańǵyrý» baǵdarlamasy aıasynda 108 joba, qosymsha jobalar men is-sharalar júzege asýda. Onyń ishinde quny 4 mlrd 360 mln teńgeni quraıtyn 18 jobany jergilikti demeýshiler qarjylandyrady.
- 2017 jylǵy 1 jeltoqsandaǵy esep boıynsha jalpy quny 4 mlrd. 391 mln teńgeni quraıtyn 69 joba júzege asyryldy. Quny 4 mlrd 254 mln teńgeni quraıtyn 13 joba demeýshiler esebinen júzege asty,- dep habarlady oblystyq «Rýhanı jańǵyrý» jobalyq keńsesiniń basshysy Rınat Qulmaǵambetov.