Fransııa Ulttyq Assambleıasynyń depýtattary Qazaqstan Respýblıkasy men Eýropa odaǵy arasyndaǵy keńeıtilgen áriptestik pen yntymaqtastyq týraly kelisimdi (KÁYtK) ratıfıkasııalaýǵa daýys berdi, dep habarlady SIM baspasóz qyzmeti.
Fransýz Parlamenti Tómengi palatasynyń KÁYtK-ny ratıfıkasııalaý prosesine «Fransııa-Qazaqstan» parlamentaralyq dostyq tobynyń tóraǵasy Per Kabarenyń basshylyǵymen erekshe úles qosty.
Ulttyq Assambleıada sóz sóılegende P. Kabare Qazaqstan Fransııanyń saıası, sol sııaqty ekonomıka salalaryndaǵy mańyzdy áriptesi bolyp tabylatynyn atap ótken. Astana demokratııalandyrý salasynda oń úrdis kórsetýde, qoǵam damýynyń jáne adam quqyqtaryn qorǵaýdyń eleýli ilgerileýine qol jetkizdi, daǵdarysty retteý máseleleri men bitimgershilik qyzmettiń belsendi qatysýshysy bolyp tabylady. Iаdrolyq karýdan bas tarta otyryp, Qazaqstan denýklearızasııalaý prosesine qatysady.
«Vpered Respýblıka!» partııasy tobyn bildirýshisi P.Kabarenyń pikirinshe, Parıj saıası dıalogty damytý máseleleri boıynsha Astanamen yntymaqtastyqty keńeıtý qajet. Ásirese, qaýipsizdikti qamtamasyz etý, qaqtyǵystardy bolǵyzbaý jáne terrorızmmen kúresý salalaryndaǵy yntymaqtastyq. Sonymen birge, ol Kelisimniń ekonomıkalyq salada turaqty ózara árekettestigi jasaýdy bildiretinin, Fransııa Qazaqstannyń shama boıynsha úshinshi ınvestory bolyp tabylatynyn atap ótti.
Qazaqstan Ortalyq Azııada 2015 jylǵy jeltoqsanda EO-men osyndaı shart jasasqan alǵashqy el bolyp tabylady. Ol áriptestiktiń 29 salasyn, onyń ishinde ekonomıka jáne saýda-sattyq, densaýlyq, memlekettik qarjyny basqarý jáne salyq salý, jappaı qyryp-joıý qarýyn taratýǵa jáne terrorızmge qarsy is-qımyl jasaý, klımat ózgeristerimen kúresýdi qamtıdy.
Fransııamen qatynasynyń aıryqsha sıpaty onyń Eýropa odaǵy elderiniń ishinde Qazaqstanmen strategııalyq áriptestik týraly shartty jasasqan alǵashqy el bolýymen erekshelenip, 2018 jyly Astana men Parıj osyndaı áriptestiktiń onjyldyǵyn atap ótedi.