Prezıdent Nursultan Nazarbaevtyń «Táýelsizdik dáýiri» atty kitaby – tarıhı pýblısıstıka stılinde jazylǵan biregeı qujat. Elbasy kitapta tek jalań fakti men sıfrlar ǵana keltirýmen shektelmeı, belgili bir oqıǵalarǵa óziniń baǵasyn berip, sol kezde óziniń qandaı sezimde bolǵanyn sıpattaıdy.
Sonymen qatar «Táýelsizdik dáýirinde» Nursultan Nazarbaev álem elderi kóshbasshylarymen qalaı kezdeskeni týraly, olardyń Qazaqstan týraly ne aıtqanyn esine alyp, memleketimizdiń damýyna álem kóshbasshylarynyń qalaı áser etkenin jazady. Erekshe aıtyp ótkim kelgeni, bul kitapta Prezıdent Qazaqstannyń jańa tarıhyn úsh jańǵyrý kezeńiniń prızmasy arqyly qarastyrady.
О́zderińiz biletindeı, Qazaqstannyń úsh jańǵyrý kezeńi bar. Birinshi jańǵyrý kezeńi 1990 jyldardyń basynda – 1991-1995 jyldary boldy. 1996-1999 jyldar aralyǵy – ekinshi jańǵyrý kezeńi. Bul kezeńde Qazaqstan naryqtyq ekonomıkaǵa kóship, strategııalyq maqsattar qoıyp, naqty josparlaýǵa kóshti. «Qazaqstan-2030» Startegııasy sonyń aıǵaǵy. Úshinshi jańǵyrý 2000 jyldary bastaldy. Bul jyldary ekonomıka damydy, ekonomıkanyń barlyq salalary ósti. Qazaqstan halyqaralyq uıymdarǵa múshe bola bastady. Bul syrtqy saıasattaǵy úlken jetistikterimizge aınaldy. Qazir Qazaqstan Prezıdenti aldymyzǵa jańa mindetter qoıdy. Onyń bastysy – álemniń eń damyǵan 30 eliniń qataryna qosylý. Mine, kitapta osynyń barlyǵy jan-jaqty, keń aýqymda taldanǵan.
Meniń oıymsha, kitap Qazaqstannyń jańa tarıhy týraly daıyn oqýlyq. Bul Prezıdenttiń barlyq jastar men stýdentterge Táýelsizdik kúnine arnaıy jasaǵan úlken syılyǵy. Bul onyń jeke estelikteri, jazbalary, jetekshi saıasatkerlermen kelissózderi toptastyrylǵan úlken eńbek. Táýelsizdiktiń ne ekenin túsingisi kelgen adam, táýelsizdiktiń nyǵaıýyn túsingisi kelgen adam mindetti túrde osy kitapty oqýy kerek dep oılaımyn.
Ǵanı NYǴMETOV, Eýrazııalyq ıntegrasııa ınstıtýtynyń dırektory