Almaty qalasy polısııa departamenti qyzmetkerleri jedel-profılaktıkalyq is-sharalar aıasynda zańsyz aınalymnan 681 dana pyshaq, kastet, dýbınka jáne qoǵamdyq qaýipsizdikke qater tóndiretin ózge de zattar tárkilengen, dep habarlaıdy Egemen.kz.
Almaty qalalyq PD qoǵamdyq qaýipsizdik basqarmasynyń basshysy Tımýr Noǵaıbaev qabyldanyp jatqan sharalar quqyqbuzýshylyqtardyń aldyn alýǵa jáne azamattardyń qaýipsizdigin qamtamasyz etýge baǵyttalǵanyn aıtty.
«О́zimen birge pyshaq, kastet jáne ózge de tyıym salynǵan zattardy alyp júrýge jol berilmeıdi jáne ol zańda kózdelgen jaýapkershilikke ákeledi. Ásirese, kámeletke tolmaǵandarǵa erekshe nazar aýdarylady. Qurmetti ata-analar, balalaryńyzdyń qandaı zattardy alyp júrgenin baqylap, olardyń zańsyz áreketterge aralasýyna jol bermeńizder», dedi ol.
Almatyda qańtar oqıǵasy kezinde urlanǵan qarý tabyldy
Polısııa bul baǵyttaǵy jumystardyń turaqty baqylaýda ekenin jáne aldaǵy ýaqytta da jalǵasatynyn málimdedi.
Eske sala keteıik, buǵan deıin de Almaty oblysynda áleýmettik jeli arqyly satylǵan 600-den astam zańsyz qarý tabylǵan bolatyn.
Nurbolat AMANBEK