Balabaqsha – barshanyń máselesi

«Búgingi tańda balabaqsha má­se­lesi respýblıka kóleminde keshendi túrde sheshilýdi qajet etetin ózekti máseleniń birine aı­naldy. О́ıtkeni, mektepke deıingi bala tárbıesimen qamtý búgingi kúni 35 paıyzdy ǵana qurap otyr. Ony 100 paıyzǵa jetkizý «Balapan» baǵdarlamasynyń al­ǵy­sharty, negizi bolmaq. Osy ba­labaqsha máselesi – óńirlerde saı­laýshylarmen kezdesýler ót­kiz­gen kezde jıi kóteriletin má­seleniń biri bolyp tabylady. О́ıt­keni, Jambyl oblysy bo­ıynsha qazirgi tańda balabaqsha kezeginde 24000 bala tur. Osy kúnderi Shý aýdanynda «Balapan» baǵdarlamasy sheńbe­rinde birqatar jumystar atqa­ryl­ǵanymen balalardy mektepke deıingi tárbıemen qamtý kór­setkishi 17,8 paıyzdy ǵana qurap otyr. Osy oraıda, Shý qala­synan 280 oryndyq balabaqsha qurylysyna 488 mln. teńgeniń jobalyq-smetalyq qujattary da­ıyn­dalyp, memlekettik saraptamadan ótkizil­se, Tóle bı aýy­lynan salynatyn 280 oryndyq balabaqshanyń joba­lyq-smeta­lyq qujattary daıyn­dalý ústin­de. Al buryn balabaqsha bolyp, búgingi kúnde basqa maqsatta paıdalanyp otyrǵan ǵımarat­tardy qalpyna keltirýde Birli­kústem aýylyndaǵy 50 oryn­dyq balabaqshany qaıta jabdyqtaý úshin 60,1 mln. teńgege, Shý qala­syndaǵy №40 mekteptiń burynǵy ǵımaratyn 180 oryndyq balabaq­sha jasaý úshin 199,5 mln. teńgege jobalyq-smetalyq qujattar da­ıyn­dalyp, memlekettik saraptamadan ótkizildi. Jańajol jáne Tóle bı aýyldaryndaǵy ǵımarat­tar jeke tulǵalardan satyp alyn­dy. Atalǵan ǵımarattarǵa kúr­deli jóndeý jumystaryn júrgizýge jobalyq-smetalyq qu­jattar daıarlanýda. Jańajol aýylyndaǵy balabaqsha ǵıma­ra­tyn kúrdeli jóndeýge 80,0 mln. teńge, Tóle bı aýylyndaǵy bala­baqsha ǵımaratyn kúrdeli jón­deýge 115,0 mln. teńge qarjy qa­jet. Sondaı-aq, qazirgi kezde sheshimin tappaı otyrǵan ekinshi másele, keıbir aýyldardaǵy oqý­shylarymyz ótken ǵasyrdyń 40-60 jyldarynda paıdalanýǵa berilgen yńǵaılastyrylǵan ǵıma­rat­tarda bilim alýda. Atap aıtqanda, Eńbekshi aýylyndaǵy mektep yńǵaılastyrylǵan bó­lek-bólek ǵımarattarǵa ornalas­qan. Sonymen qatar, Báıdibek aýylyn­daǵy 150 oryndyq M.Mámetova orta mektebi 1961 jyly, Bóltirik aýylynda 150 oryndyq Á.Mol­daǵulova orta mektebiniń ǵıma­rattary 1940 jyly salyn­ǵan. Atalǵan bilim mekemeleriniń ǵıma­rattarynyń apatty jaǵ­daıyn eskere oty­ryp, jobalaý-smetalyq qujat­tary jasalýda. Shý aýdany, Sa­ýytbek aýylyn­daǵy 1960 jyly soǵylǵan 150 oryn­dyq Alǵa orta mektebine jańadan 150 oryn­dyq mekteptiń ǵımara­tynyń qurylysyn júrgizý úshin 406 mln. teńgege jobalyq-sme­talyq qujattary daıynda­lyp, memlekettik saraptamadan ót­kizildi. Osyǵan baılanysty, Bilim jáne ǵylym mınıstri B.Juma­ǵulovtan Jambyl oblysy, Shý aýdany bilim berý mekemeleriniń qurylysyn júrgizýge qosymsha qarjy bólýge kómek kórsetý suraldy. Ámzebek JOLShYBEKOV, Májilis depýtaty.