Bul jaıynda oblys ákimdiginde ótken densaýlyq saqtaý basqarmasynyń jyldyq qorytyndy esebinde aıtyldy.
О́ńirdegi qalalar men aýdandarda 26 akýsher-gınekolog, 23 jalpy praktıka dárigeri, 20 anestezıolog dáriger, 15 terapevt, 13 nevropatologtyń oryndary bos tur. Buǵan sebep jergilikti ákimdikterden «Dıplommen aýylǵa!» baǵdarlamasymen kelgen jas mamandarǵa naqty kóńil bólip, yntalandyrýdyń bolmaýy delindi.
Oblys ákimi Bolat Baqaýov aýdan ortalyqtary men aýyldarda dárigerlerdi turǵyn úımen qamtamasyz etýdi tapsyrdy. Oblystyq densaýlyq saqtaý basqarmasynyń málimetinshe, bıyl bala kótergen eki áıel dárigerlerdiń kinásinen kóz jumypty. Dárigerler tártiptik jazaǵa tartylǵan. Bıyl bala týý kórsetkishi 4,2 paıyzǵa kemipti.
Merziminen buryn týǵan 500-900 gramdyq sábılerdi aman alyp qalý qıynǵa soǵatyn kórinedi. Júkti áıelderdiń ýaqytyly tirkeýge alynýy mańyzdy. Qan aınalymy júıesi aýrýlarynan qaıtys bolǵandar jalpy ólim-jitimniń 40 paıyzdan astamyn quraıdy. Onkologııalyq aýrýlardan ólim kórsetkishi Qashyr aýdany, oblys ortalyǵynda joǵary.
Farıda Byqaı
«Egemen Qazaqstan»
Pavlodar