Prezıdent Nursultan Nazarbaev jyl qorytyndysy boıynsha buqaralyq aqparat quraldarynyń ókilderine bergen suhbatynda latyn álipbıine kóshýdiń artyqshylyqtary týraly aıtty, dep habarlaıdy Egemen.kz.
«Latyn álipbıine kóshý týraly Táýelsizdik alǵan kúnderdiń basynan bastap aıtyp kele jatyrmyz. Naǵyz táýelsizdik – tildiń de táýelsizdigi. Onyń ar jaǵynda jatqan astary sol», degen Prezıdent latyn álipbıine kóshýdiń tórt artyqshylyǵyn atap ótti.
«Onyń ber jaǵynda búkil dúnıeniń 70 paıyzy sol álipbımen jumys isteıdi. Ǵylymnyń, tehnologııanyń, ınternettiń tili. Ekinshiden, siz – jýrnalıster menen de jaqsy bilesizder, bul álipbıdiń ózimizdiń qazaqtyń tiline qansha paıda ákeletinin. Kırıllısanyń ishinde bizge kerek emes tilimizdi burǵyzyp, qısaıtatyn neshe túrli áripter bar. Bizdiń qalypqa kelmeıtin, ol jaǵyn da oılaý kerek. úshinshiden, biz órkenıetti 30 eldiń qataryna túsemiz desek solarmenen birge bolýymyz kerek qoı. Aqyrǵysy, qazaqtyń tilin basqa jurttar úırený úshin de bul álipbıdiń paıdasy bar», dedi Memleket basshysy.
Qorytyp aıtqanda latyn álipbıine kóshý qazaq úshin, elimiz úshin paıdaly ekenin aıtqan Elbasy zııaly qaýymnyń buǵan deıin jaryq kórgen týyndylaryna alańdamaýyn taǵy da atap ótti.
«Zııaly qaýymnyń bizdiń shyǵarmalarymyz, kitaptarymyz qaıda qalady dep qoryqqan jerleri bar. Ony da túsindirdik. Qazirgi jaǵdaıda grafıkany ınternet arqyly aýdarý qıynǵa soqpaıdy. Sondyqtan bul másele boıynsha nege, qalaı dep otyrmaı engizýge kirisý kerek», dedi Prezıdent.