Memleket basshysy jyl qorytyndysy boıynsha otandyq medıa ókilderine suhbat berdi. Kezdesýde «EKSPO-2017» kórmesi men onyń el ekonomıkasyna qalaı áser etkendigi sóz bolyp, eńbek mıgrasııasy, «jasyl» ekonomıka, «Sıfrly Qazaqstan», «Qazaqstandaǵy 100 jańa esim» jobalarynyń mán-mańyzy aıtyldy.
«Elordany órkendetýde qarjy kerek boldy. Astana qalasynyń jyl saıynǵy bıýdjeti 1 trıllıon teńge. Negizgi qor retinde turǵyn-úıdi aıtamyz. Mine halyq sany 4 esege artyp, mıllıon turǵyny bar qalaǵa aınalyp otyr. 2030 jylǵa qaraı halyq sany 2 mıllıonǵa jetedi. Al negizinde Astanany 500 myń turǵyny ǵana bar taza ákimshilik qala bolady dep oıladym. Qalany salyp bastaǵan soń, ondaǵy ómirge tosqaýyl qoıý múmkin emes», degen Prezıdent qalanyń ınvestısııalyq múmkindiginiń jyl saıyn artyp kele jatqany týraly aıtyp ótti.
Sonymen birge áńgime qoǵamdyq sanany jańǵyrtý jáne qazaq tilin latyn qarpine kóshirý bastamasy tóńireginde órbidi. Nursultan Nazarbaev bıliktegi jańa taǵaıyndaýlar men qazaq-qyrǵyz, qazaq-ózbek baılanysynyń qalaı damıtyny jaıly oı-pikirin bildirdi.