Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda elimizdegi kóp serıaldy alǵashqy fılm Ońtústikte túsirildi. Oblys ákimdiginiń tapsyrysy negizinde «SAQ» kınostýdııasy túsirgen «Kóne jetigenniń syry» atty 10 serııaly tarıhı-tanymdyq kınohıkaıanyń tusaýkeseri búgin «Shymkent plaza» oıyn-saýyq saýda ortalyǵynda ótti.
Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» maqalasynda kórsetilgen basymdyqtar boıynsha oblys ákimi Janseıit Túımebaevtyń ıdeıasymen «Qajymuqan», «Otyrardy qorǵaý», «Kıeli Qazyǵurt» atty úsh anımasııalyq fılm men «Kóne jetigenniń syry» atty 10 serııaly telehıkaıa túsirildi.
Fılmniń kórsetilimine «Qazaqfılm» kınostýdııasynyń jáne «Qazaqstan anımatorlar» qaýymdastyǵynyń ókili, oblystaǵy zııaly qaýym ókilderi men BAQ ókilderi jáne shyǵarmashylyq top qatysty.
Oblystyń týrızm salasyn damytýǵa, ásem tabıǵaty men kıeli jerlerin jáne dostyq pen tatýlyqty nasıhattaıtyn teleserıaldyń prezentasııasyna qatysqan oblys ákimi Janseıit Túımebaev ulttyq qundylyǵymyzdy dáripteıtin týyndylardy árdaıym qoldaıtynyn atap ótti.
«Elbasymyz Nursultan Ábishuly Nazarbaev «Bolashaqqa baǵdar: rýhanı jańǵyrý» maqalasynda atap kórsetken, týǵan elge degen súıispenshilikti, elimizdiń ásem tabıǵaty men kıeli jerlerin nasıhattaý, ulttyq rýhymyzdy boıymyzǵa sińirý maqsatynda túsirilgen anımasııalyq fılmniń basty ıdeıasy: jastarǵa ónege, úlgi bolatyn tulǵalardyń ómirin nasıhattaý, qazaq halqynyń maqtanyshyna aınalǵan balýan babamyzdyń erlikterin pash etý. О́skeleń urpaqtyń júreginde maqtanysh sezimin oıatyp, patrıottyqqa tárbıeleý. Jalpy, biz óz mádenıetimizdi, ultyq ereksheligimiz ben tereń tarıhymyzdy keler urpaqqa sińirý úshin osyndaı fılmderdi kóptep shyǵarýymyz qajet! Ońtústik Qazaqstan óńiriniń bul baǵytta tyń qadamdar jasap jatqany, Elbasymyzdyń aıtyp júrgen ulttyq sanamyzdyń qalyptasýyna, ulttyq kodymyzdyń saqtalýyna úlken úlesin qosary anyq. Búgingi kıno kórermenderdiń júregine jol tabatynyna senimim mol!»,-dedi ákim.
Osy rette, kınonyń rejısseri Nýrıddın Pátteev «SAQ» kınostýdııasy atynan jáne búkil Qazaqstan kınogerleriniń atynan shyn rızashylyǵyn bildirip, estelikke kınodaǵy oqıǵany órbitken - kóne Jetigendi tabys etti.
Bul jobalar Ońtústik óńiriniń ǵana emes, elimizdiń kıno jáne anımasııa salasy boıynsha aıtýly týyndylar qataryna kireri sózsiz.Ońtústik Qazaqstan oblysynyń ımıdjin kóterip, tarıhyn jańǵyrtyp, týrızmin damytýǵa baǵyttalǵan «Kóne jetiginniń syry» atty 10 serııaly kınojobasy respýblıkalyq arnalardan kórsetiletin bolady.
Fılmniń basty maqsaty óńirdegi Túrkistan, Arystan bab, Otyrar, Saýran, Saıram sekildi kóne jerler men Aqsý-Jabaǵyly qoryǵy, Qazyǵurt taýy, О́gem tabıǵı qoryǵy sekildi tabıǵaty ásem jerlerdi kórsetip, rýhymyzdy jańǵyrtý, tarıhty uǵyndyrý arqyly eljandylyqqa tárbıeleý jáne óńirdiń týrızm salasyn damytý bolyp tabylady.
Fılm Ońtústik Qazaqstan oblysynda jol jóndeý jumysymen aınalysyp jatqan ekskovatorshylardyń kezdeısoq kóne Jetigen aspabyn taýyp alý sátinen bastaý alady. Ishekteri men asyqtary joq bul aspaptyń syrtqy betinen eski kóne túrki áripterimen jazylǵan jazýdyń izderi kórinedi. Fılmniń basty keıipkeri О́ner akademııasynyń stýdenti – Samal bul habardy estip, Jetigenmen tereńirek tanysý úshin arnaı Shymkentke keledi. Jetigendi tabýǵa onyń jigiti Nurjan kómektesedi. Al, Aıdardyń dosy – arheolog Jandos sol Jetigendegi kóne jazýlardy oqyp, qupııasyn ashady. Sol sátten bastap, olardyń ómirinde shym-shytyryq, hıkaıaǵa toly oqıǵalar bastalyp ketedi. О́ıtkeni, Jetigendi ózge de teris pıǵyldy jandar izdep kelgen bolatyn.
Eske sala keteıik, «EKSPO-2017» Halyqaralyq mamandandyrylǵan kórmesi kezinde ótken Ońtústik Qazaqstan oblysynyń Astana qalasyndaǵy kúnderi aıasynda qazaqtyń namysyn, rýhyn jáne qara kúshin búkil álemge tanytqan Qajymuqan atamyzdyń ómirine arnalǵan «Kúsh atasy – Qajymuqan» anımasııalyq fılminiń tusaýy kesilgen bolatyn. Al, «Otyrardy qorǵaý» anımasııalyq fılminiń prezentasııasy keler jyldyń basynda ótedi depjosparlanýda.