Astanada tutynýshylar esebinen kópqabatty turǵyn úılerge qyzmet kórsetetin úıishilik gaz qyzmeti paıda bolýy múmkin, dep habarlaıdy elorda ákimdiginiń medıa ortalyǵy.
Sońǵy ýaqytta qala turǵyndary tarapynan kópqabatty turǵyn úılerdiń aýlasy men podezderinde gaz ıisiniń tarap ketýi nemese gaz jelileriniń isten shyǵýyna qatysty kóp túsedi. Sondaı-aq apattyq-dıspecherlik qyzmet joq.
Búgingi tańda gazdyń taraý saldaryn joıý jáne jóndeý jumystary usynylǵan smeta boıynsha jınalǵan maqsatty qarjy esebinen júzege asyralady. Qajetti qarjynyń ýaqytyly jınalmaýyna baılanysty jóndeý jumystary soqyzyp ketedi.
Osyǵan oraı elordalyq Turǵyn úı ınspeksııa basqarmasy qalada úıishilik gaz qyzmetin qurýdy usynyp otyr.
«Atalǵan problemany sheshý úshin materıaldy-tehnıkalyq baza men podezderdegi gaz ıisin jáne onyń taralý sebebin joıýmen aınalysatyn oqytylǵan shtattyq mamandary bar úıishilik gaz qyzmetin qurý usynylady. Atalǵan qyzmet túri tutynýshylardan qosymsha tólem jınaý jolyna negizdeledi», - dedi qalalyq ákimdikte ótken apparat jınalysynda Astana qalasynyń Turǵyn úı ınspeksııasy basqarmasy basshysynyń mindetin atqarýshy Azamat Ámirjanov.
Aldyn ala esep boıynsha, tólem kólemi ár páterden jylyna 792 teńgeni quraıtyn bolady.