Búgin Premer-Mınıstr Baqytjan Saǵyntaevtyń tóraǵalyǵymen ótken QR Úkimeti otyrysy barysynda «Ekspo-2017» kórmesinde kórsetilgen tehnologııalardy engizý máseleleri qaraldy. Júrgizilip jatqan jumys týraly energetıka mınıstri Qanat Bozymbaev pen bilim jáne ǵylym mınıstri Erlan Saǵadıev baıandady.
Qanat Bozymbaev aıtyp ótkendeı, energetıka mınıstrliginiń saraptamalyq jumys toby tórt baǵyt boıynsha «Ekspo» kórmesiniń sheteldik pavılondarynda kórsetilgen 105 sheteldik jáne 28 otandyq tehnologııany iriktedi:
● munaı jáne gaz — 27 tehnologııa,
● kómir ónerkásibi — 7 tehnologııa,
● elektr energetıkasy, energııany únemdeý jáne JEK — 63 tehnologııa,
● ekologııa (qaldyqtardy basqarý, sý tazalaý, aýa sapasyn baqylaý) — 36 tehnologııa.
Bul tizim ulttyq jáne jekemenshik kompanııalarǵa, sondaı-aq ákimdikterge tehnologııalardy qarastyrý jáne irikteý úshin jiberildi. Budan ózge, barynsha aqparattandyrý maqsatynda tehnologııalar tizimi baılanys aqparattarymen qosa Energetıka mınıstrliginiń saıtynda jarııalandy.
«Ákimdikter qazirgi ýaqytta engizý úshin 40 tehnologııany iriktep aldy, onyń tórteýi 2018 jyly engiziledi. Ulttyq kompanııalar engizý maqsatynda 15 tehnologııany iriktep aldy, onyń ekeýi 2018 jyly engiziledi», — dep atap ótti Qanat Bozymbaev.
Energııany únemdeý, sýdy tazartý, «aqyldy jeliler» jáne kásiporyndarda JEK paıdalaný boıynsha tehnologııalar tańdalǵan.
Munaı jáne gaz salasynda Reseı, AQSh, Qytaı jáne Fınlıandııadan 7 tehnologııa anyqtaldy. Mysalǵa, Qostanaı oblysy ákimdigi «SGK-510 gaz taldaý qondyrǵysy» nemis tehnologııasyn 2018 jyly engizýdi josparlaýda. Osy tehnologııany engizý arqyly gazdy tutyný azaıady, bul jylyna 40 mln teńgege jýyq únemdeýge múmkindik beredi.
«Elektr energetıkasy» baǵyty boıynsha 35 tehnologııa anyqtaldy, onyń ishinde ákimdikter 26 tehnologııany tańdady. Solardyń biri — «Uıaly telefondarǵa arnalǵan tegin qýattaýdyń avtonomdyq stansııalary» qytaılyq tehnologııasy, ol 2018 jyly Soltústik Qazaqstan oblysynda engiziledi. Bul tehnologııa tutynylǵan elektr energııasyna jumsalatyn shyǵyndardy jáne qorshaǵan ortaǵa júktemeni azaıtýǵa múmkindik beredi. Qazirgi ýaqytta ákimdik qytaılyq Shenzhen kompanııasymen jabdyqtardy jetkizý týraly kelisimge keldi.
«Ekologııa» baǵyty boıynsha ákimdikter turmystyq jáne ónerkásiptik sarqyndy sýlardy tazartý, aýa sapasyn baqylaý jáne qaldyqtardy basqarý salasynda 10 tehnologııany tańdady.
Energetıka mınıstriniń aıtýynsha, tehnologııalar tizimi áli naqtylanady.
Bilim mınıstri Erlan Saǵadıev óz kezeginde «Ekspo-2017» halyqaralyq kórmesi qazaqstandyq ǵylymda, tehnologııalar transferti men bilim berýdi damytýda jańa ıdeıalardyń týyndaýyna qýatty serpin bergenin atap ótti.
«Kórmeni 55 ýnıversıtet jáne mınıstrliktiń ǴZI ókilderi aralady. Qatysýshy elderdiń ókilderimen 100-den astam kezdesý men kelissózder júrgizildi. Yntymaqtastyq ornatý týraly 9 memorandýmǵa qol qoıyldy. Ýnıversıtetter ekijaqty yntymaqtastyq týraly 20-dan astam kelisimge qol jetkizdi», — dep baıandady Erlan Saǵadıev.
ǴZI men ýnıversıtetter ǵalymdarynyń sheteldik áriptestermen, ýnıversıtetter jáne kompanııalarmen halyqaralyq baılanysy edáýir jandandy. JOO-lar men vedomstvoǵa qarasty ǴZI 25 ǵylymı-zertteý jobalary men baǵdarlamalaryn daıarlaý men iske asyrýdy júrgizip jatyr.
«12 iri ǵylymı joba men baǵdarlamalarda jáne 89 granttyq jobalarda ǵylymı-tehnıkalyq baǵdarlamalardy iske asyrý kezinde negizgi taqyryp kózi “Ekspo-2017” ıdeıalary bolyp tabylady», — dedi Erlan Saǵadıev.
Máseleni qaraý qorytyndysy boıynsha Premer-Mınıstr Baqytjan Saǵyntaev oblystardyń ákimdikterine jańa tehnologııalardy engizý kezeńine kóshý boıynsha jumysty jalǵastyrýdy tapsyrdy.