Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Fransýz Respýblıkasynyń Qazaqstandaǵy Elshisi F.Martınemen kezdesti.
Áńgime barysynda parlamentaralyq yntymaqtastyqty nyǵaıtýdyń keleshegi talqylandy. Qazaqstan Senatyndaǵy Fransııamen yntymaqtastyq jónindegi toptyń jetekshisi D.Nazarbaeva: «Parlamenttik delegasııalar almasý tájirıbesin jalǵastyrý, bizdiń elderimizdiń zań shyǵarý organdaryndaǵy salalyq komıtetter men apparattarynyń deńgeıinde baılanystar ornatý parlamentaralyq ózara is-qımylǵa jańa qarqyn beredi dep oılaımyn», - dedi.